/> ஜோதிடம்| நல்ல நேரம்|jothidam

Wednesday, 3 January 2018

தை அமாவாசை 16.1.2018 அன்று இதை செய்தால் செல்வம் பெருகும்!! ஜோதிடம்

தை அமாவாசை 16.1.2018 அன்று இதை செய்தால் செல்வம் பெருகும்!! ஜோதிடம்



                             

தை அமாவாசை வரும் 16.1.2018 அன்று வருகிறது வழக்கமான அமாவாசை தினங்களில் நாம் செய்வது காலையில் குளித்துவிட்டு சிவன் சன்னதி சென்று வழிபட்டு வருவோம்...காக்கைகு சாதம் வைத்தபின் முன்னோர்களை நினைத்து வழிபடுவோம்..

தை அமாவாசை என்ன சிறப்பு என பார்த்தோமானால் தை மாதம் சூரியன் சனி ராசியாகிய மகரத்தில் இருப்பார் ..சூரியன் தந்தை ..சனி மகன் என ஜோதிடம் சொல்கிறது...மகனை தேடி தந்தை வரும் காலம்தான் தை மாதம்..முன்னோர்கள் உங்கள் வீடு தேடி இந்த அமாவாசையில் நிச்சயம் வருவார்கள் அவர்களை வரவேற்கும் விதமாக கோலம் போடக்கூடாது..அமாவாசை தினத்தில் கோலம் போடுவது முன்னோர்களை திசை திருப்பி விடும்.

அன்றைய தினம் ஆற்றங்கரை கடல்கரையில் அரிசி மாவில் பால்,தயிர்,தேன்,கரும்பு சர்க்கரை கலந்து உருண்டையாக்கி அதனுடன் எள் கலந்து உருண்டையாக்கி அதனை தர்ப்பை புல் கொண்டு தொட்டு முன்னோர்கள் பெயரை சொல்லி சமர்ப்பயாமே என மூன்று முறை சொல்லி என்னை ஆசிர்வாதியுங்கள் என மூன்று முறை சொல்லி ஒரு பாக்கு தட்டில் வைத்து நீருக்குள் நின்றவாறு அந்த மாவில் நீர் மூன்று முறை ஊற்றி ஆற்று நீரில் விட்டுவிடுங்கள் ...பசித்தவர்களுக்கு கொஞ்சம் அன்னதானம் செய்யுங்கள்

வீட்டுக்கு வந்து மதிய உணவு காக்கைக்கு வைத்தபின் உண்ணுங்கள்

உங்கள் முன்னோர்கள் ஆசி கிடைக்கும்..செல்வவளம் உண்டாகும்

வரும் தை அமாவாசை தினத்தில் தான தர்மம் செய்வது மிக சிறப்பு ...குடை,செருப்பு போன்றவற்றை இல்லாதவருக்கு கொடுத்து உதவலாம்

ஆதரவற்றை குழந்தைகள் முதியோர்களுக்கு அன்று நம் ஜோதிட நிலையம் சார்பாக அன்னதானம் செய்ய இருக்கிறோம் கலந்து கொள்ள விருப்பம் இருப்போர் ,பங்களிப்பு தொகை சிறியதாக இருப்பினும் அனுப்பலாம்..உங்கள் பெயரில் உணவு அளிக்கப்படும் ...செருப்பு,துணிகளும் அன்று வழங்க இருக்கிறோம்...!! வாட்சப் நம்பர் 9443499003




மேலும் வாசிக்க"தை அமாவாசை 16.1.2018 அன்று இதை செய்தால் செல்வம் பெருகும்!! ஜோதிடம்"

Post Comment

Tuesday, 19 December 2017

ஏழரை சனி, அஷ்டம சனி , ஜென்மசனி என்ன செய்யும்..? சனிபெயர்ச்சி பலன்கள் 2017-2020

அஷ்டம சனி,ஜென்ம சனி,கண்டக சனி என்ன செய்யும்..? சனிபெயர்ச்சி பலன்கள் 2017-2020


வணக்கம் இன்று 19.12.2017 வாக்கிய பஞ்சாங்கப்படி காலை 9.58 க்கு சனி விருச்சிகம் ராசியில் இருந்து தனுசு ராசிக்கு மாறுகிறார்..

சனிப்பெயர்ச்சி எந்தெந்த ராசியினருக்கு பாதிப்பாக இருக்கிறது என பார்த்தால் ரிசபம் ராசியினருக்கு அஷ்டம சனி ,மிதுனம் ராசியினருக்கு கண்டக சனி,கன்னி ராசியினருக்கு அர்த்தாஷ்டம சனி,விருச்சிக ராசியினருக்கு பாத சனி,தனுசு ராசியினருக்கு ஜென்ம சனி ,மகரம் ராசியினருக்கு ஏழரை சனி ஆரம்பம் ஆகிறது..

துலாம் ராசியினருக்கு ஏழரை சனி முடிகிறது மேசம் ராசியினருக்கு அஷ்டம சனி முடிகிறது சிம்மம் ராசியினருக்கு அர்த்தாஷ்டம சனி முடிகிறது..விருச்சிகம் ராசியினருக்கு ஜென்ம சனி முடிகிறது...கும்பம் ராசியினருக்கு கர்ம சனி முடிந்து லாப சனி ஆரம்பிக்கிறது...மீனம் ராசியினருக்கு பாக்ய சனி முடிந்து கர்ம சனி ஆரம்பிக்கிறது கடகம் ராசியினருக்கு ஜெய சனி ஆரம்பம்..சிம்ம ராசியினருக்கு பஞ்சம சனி ஆரம்பம்

ஜெய சனி ,பஞ்சம சனி ,லாப சனி இவையெல்லாம் நல்ல யோகத்தை தரும் துலாம் ராசியினருக்கு சனி மூன்றாம் ராசிக்கு செல்வதால் அது இனி நல்ல யோக பலன்களை கொடுக்கும்

அஷ்டம சனி என்பது தந்தைக்கு விரய ஸ்தானம் தந்தை வழியில் கர்ம காரியங்கள் மருத்துவ செலவினம் சமூகத்தில் மதிப்பு மரியாதையை கெடுத்தல் ,பணம் நஷ்டம் தொழில் மந்தம் இவற்றை அஷ்டம சனி தரும் சமூகம் என்பது உறவையும் குறிக்கும் சனி 3 மாதங்களுக்கு முன்பே பலன் கொடுக்க ஆரம்பித்து விடுவார் ...அஷ்டம சனி என்றால் எல்லோரும் பயப்படக்காரணம் சனி தொழில் காரகன் ..அவர் ராசிக்கு மறைந்தால் காலில் அடிபடுதல் சனிக்குண்டான தொழிலில் வசியம் இல்லாமல் போதல் போன்ற பலன்களை கொடுக்கும் என்பதாலும் நம்மை விட தாழ்ந்தவர்களால் அவமானம் உண்டாக்கும் என்பதால்தான்.

.தொழிலாளி என்பது சனி ..அவர் மறைந்தால் வேலைக்காரர்கள் இல்லாமல் ஒரு முதலாளி என்ன செய்ய முடியும்..சரி அடிமையாக இருப்போருக்கு ..? அவர்களுக்கு கையும் காலும் தான் வேலைக்காரன்...கை கால்கள் சோர்ந்து போனால் முதலாளி என்ன செய்ய முடியும்..கைகால்களில் பிரச்சினை உண்டானால் என்ன செய்ய முடியும்..? நான் பயமுறுத்துகிறேன் என எண்ண வேண்டாம் எச்சரிக்கையாக நீங்கள் இருக்க வெண்டும் என்பதற்காக சொல்கிறேன்.உங்கள் ஜாதகப்படி நல்ல திசாபுத்திகள் நடப்பின் உங்களை பெரிதாக சனி பாதிக்க மாட்டார்..

ஏழரை சனியில் இரண்டாம் சுற்று பொங்கு சனி எனப்படும் இதில் கடுமையாக உழைத்தால் மட்டும் முன்னேறலாம் இதுதான் பெரும்பாலோனோர்க்கு நடக்கும் குழந்தையாக இருக்கும்போதே முதல் சுற்று முடிந்திருக்கும்...பொங்கு சனியில் நீங்கள் அதிகம் உடல் உழைப்பில்லாதவர் என்றால் உங்களை ஒரு வழி செய்யாமல் சனி போகமாட்டார்...சனிக்கு தேவை கடுமையான உழைப்பு அது இல்லாதவர்களுக்கு அதற்கு சமமாக அலைச்சலையோ சோதனையோ தராமல் போக மாட்டார்..ஒருத்தன் கேஸ் போட்டுட்ட்டான் எங்கியோ ஒரு கிராமத்தில் சுகமாக அதுவரை வாழ்ந்தவர் நகரத்துக்கு வழக்குக்காக அலைந்து அலைந்து ஒரு வழி ஆகிவிட்டார்..எல்லோருக்கும் இப்படி ஆகும் என சொல்ல முடியாது அவரவர் சூழ்நிலைக்கு ஏற்றவாரு சனி வேலை வாங்குவார் .எது சொன்னாலும் கேட்கலைன்னா  நான் சுகவாசியாதான் இருப்பேன்னு சொன்னாதான்  காலை கையை முடக்கம் செய்கிறார்

கண்டக சனி என்பது மனைவி அல்லது கணவன் வழியில் வரும் மன உளைச்சல் ..கணவனுக்கு அறுவை சிகிச்சை அல்லது மனைவி செய்து வந்த தொழிலில் நஷ்டம் என்பதால் கணவனுக்கு பன விரயம் ஆகிரதுய் என்றால் அது கண்டக சனியாகும்

அர்த்தாஷ்டம சனி என்பது ராசிக்கு நான்கில் வருவதால் இது தாய்க்கு பாதிப்பு நான்கு என்பதால் நம் உடல் சுகத்துக்கும்பாதிப்பு சிலர் வெளிநாடும் வெளிமாநிலமும் வெளியூரும் செல்வர் அப்படி சென்றால் தாய் தந்தைக்கு பாதிப்பு குறையும் இல்லையேலிருவருக்கும் மாறி மாரி மருத்துவ செலவு பங்காளி வகையில் இறப்பு,சிலர் வீடு கட்ட கடன் வாங்குவர் ...அல்லது நஷ்டத்துக்கு சொத்தை விற்பர் ..சிலர் குடும்பத்தில் எதிர்பாராத திருப்பங்கள் பிரச்சினைகள் உண்டாகும்..இது கன்னி ராசியினருக்கு இப்போது ஆரம்பத்திருக்கிறது ஏற்கனவே சோதனையில் தானே இருக்கோம் என்றாலும் சனி நகரும் ராசிக்கு ஏற்ற பலனை கொடுக்கத்தான் செய்வார்

சனிக்கிழமையில் பெருமாள் கோயிலில் நெய் தீபம் ஏற்றி வழிபடுங்கள் உடல் ஊனமுற்றோர்க்கு உதவி செய்யுங்கள் ...






மேலும் வாசிக்க"ஏழரை சனி, அஷ்டம சனி , ஜென்மசனி என்ன செய்யும்..? சனிபெயர்ச்சி பலன்கள் 2017-2020"

Post Comment

Monday, 18 December 2017

சனிப்பெயர்ச்சி 2017 -2020 உங்க ராசிக்கு நல்லது கெட்டது தெரிஞ்சுக்குங்க



சனிப்பெயர்ச்சி ராசிபலன்கள் 12 ராசிக்கும் சுருக்கமாக தெளிவாக ஏற்கனவே எழுதி இருக்கிறேன் அதை படிக்காதவர்கள் கீழே இருக்கும் இணைப்பில் சென்று படிக்கவும்



                        http://www.astrosuper.com/2017/01/2017-2020.html





மேசம் ராசிக்கு அஷ்டம சனி முடிகிறது..ரிசப ராசியினருக்கு அஷ்டம சனி ஆரம்பிக்கிறது..!!!.துலாம் ராசியினருக்கு ஏழரை சனி விலகுகிறது....மகரம் ராசியினருக்கு ஏழரை சனி ஆரம்பிக்கிறது கன்னி ராசியினருக்கு அர்த்தாஷ்டம சனி ஆரம்பம்..விருட்சிக ராசியினருக்கு ஜென்ம சனி முடிகிறது.தனுசு ராசியினருக்கு ஜென்ம சனி ஆரம்பம் ஆகிறது!! மிதுனம் ராசிக்கு கண்டக சனி ஆரம்பம்




துலாம் ராசியினருக்கு ஏழரை சனி முடிகிறது நல்ல விசயம்..அடுத்த ஐப்பசியில் ஜென்ம குருவும் முடிந்தால்தான் முழு நிம்மதி கிடைக்கும்.ஜென்ம குரு அலைச்சல்,விரயம்,பண முடக்கம்,வருமான தடையை உண்டாக்கும்..நல்ல பெயர் மட்டும் வாங்கி என்ன செய்றது அரிசி பருப்பா வாங்க முடியும் நிலைதான்


சிம்ம ராசியினருக்கு சனி ராசிக்கு 5ல் வருகிறார் இது கெடுதலான இடம் அல்ல..கடந்த இரண்டரை ஆண்டு அர்த்தாஷ்டம சனியுடன் ஒப்பிட்டால் இனி வரும் காலம் நிம்மதியான காலமே....!!

சோம்பலும் ,சலிப்பும் சனியின் நண்பர்கள்...சனியின் தாக்கம் குறைய உங்கள் வீட்டுக்கு மேற்கு திசையில் இருக்கும் பிரபலமான கோயில் சென்று வழிபடுங்கள்..அது எந்த கோயிலாக இருந்தாலும் சரி.சனிக்கிழமையில் அல்லது அமாவாசை ,பெளர்ணமியில் போகலாம்...பிறந்த நட்சத்திரம் வரும் நாளில் கோயில் செல்வது ஆயுள் பலம் தரும்.


விருச்சிகம் ராசியினருக்கு பாத சனி நடக்கிறது...பாத தரிசனம் செய்தால் சனியின் பாதிப்புகள் குறையும்..தாய் தந்தைக்கோ அல்லது குருவுக்கோ பாத பூஜை செய்தாலும் பாதிப்புகள் குறையும்.
ஸ்ரீரங்கம் ரங்கநாதர் பள்ளிகொண்ட கோலத்தில் இருக்கும் எல்லா பெருமாள் கோயிலிலும் சனிக்கிழமையில் இரண்டு நெய்தீபம் ஏற்றி வழிபடவும்..ஸ்ரீரங்கம் சென்றால் இன்னும் சிறப்பு.
பரந்தாமனான மகாவிஷ்ணுவைத்தான் பள்ளி கொண்ட திருக்கோலத்தில் தரிசிக்க முடியும். ஆனால், சுருட்டப்பள்ளிக்குச் சென்றால் பரமேஸ்வரனும் பள்ளி கொண்டிருக்கும் திருக்கோலத்தை தரிசிக்கலாம்.
தமிழக – ஆந்திரா எல்லை பகுதியில் ஊத்துக்கோட்டை அருகே இந்த சுருட்டப்பள்ளி அமைந்துள்ளது. இங்குள்ள இறைவன் `பள்ளி கொண்டீஸ்வரர்’ என்று அழைக்கப்படுகிறார். இவரையும் சனிக்கிழமையில் வழிபடலாம்
மேலும் வாசிக்க"சனிப்பெயர்ச்சி 2017 -2020 உங்க ராசிக்கு நல்லது கெட்டது தெரிஞ்சுக்குங்க"

Post Comment

Wednesday, 6 December 2017

சுபகாரியம் செய்ய நல்லநாள் பார்த்து செய்யுங்கள்



மனிதன் இறக்கும் பொழுதும் ,பிறக்கும் பொழுதும் திதி ,,நட்சத்திரம் பார்த்து சடங்கு சாங்கியும் செய்யபடுகிறது .
மனித வாழ்வில் இவைகள் முக்கிய பங்கு கொண்டு இருக்கிறது என்று
கவனித்தால் புரியும் .

திதிகளை எப்படி பிரித்து உள்ளார்கள் என்று புரிந்து கொள்ளல் வேண்டும் .
1.குருட்டு திதி
2.ஒரு கண்ணுள்ள திதி
3.இரு கண்ணுள்ள திதி
4.நந்தை திதி
5.பத்ரை திதி
6.சபை திதி
7.பூரண திதி
என்றும்
அமரபட்சம் என்னும் தேய்பிறை
பூர்வபட்சம் என்னும் வளர்பிறை

இப்படி பிரித்து உள்ளார்கள் .
1.குருட்டு திதி என்பது
தேய்பிறையில் வரும் ஏகாதசி ,துவாதசி ,த்ரியோதசி,சதுர்தசி,
அமாவசை .

2.ஒரு கண்ணுள்ள திதி என்பது
தேய்பிறையில் வரும் அஷ்டமி ,நவமி ,
வளர்பிறையில் வரும் பஞ்சமி ,சஷ்டி ,சதுர்தசி.

3.இரு கண்ணுள்ள திதி என்பது
தேய்பிறையில் வரும் துவிதியை ,திரிதியை ,சதுர்த்தி ,பஞ்சமி ,சஷ்டி ,சப்தமி .
வளர்பிறையில் வரும் அஷ்டமி ,நவமி ,தசமி ,ஏகாதசி ,துவாதசி ,த்ரியோதசி

4.நந்தை திதி என்பது பிரதமை ,சஷ்டி,ஏகாதசி
5.பத்ரை திதி என்பது துவிதியை,சப்தமி,துவாதசி
6.சபை திதி என்பது திரிதியை,அஷ்டமி,த்ரியோதசி
7.பூரண திதி என்பது பஞ்சமி,தசமி,பௌர்ணமி .
குருட்டு திதியில்–சுப காரியம் செய்ய கூடாது .
ஒரு கண்ணுள்ள திதியில்-செய்யும் காரியும் அரை பலன்
இரு கண்ணுள்ள திதியில்–முழு பலன்
.நந்தை திதியில்–கலைகள் ,திருவிழா செய்ய
பத்ரை திதியில்–வாகனம் வாங்க, பிரயாணம் செய்ய
சபை திதியில்–கொடி மரம்,பந்தல் கால் நட
பூரண திதியில்–திருமணம் ,யாத்திரை செய்ய .
இப்படி வகுக்க பட்டது திதிகள் .
சுபகாரியம் செய்ய திதிகளை நன்கு கவனித்து செய்யுங்கள் சிறப்பான முன்னேற்ம் உண்டாகும்...
மேலும் வாசிக்க"சுபகாரியம் செய்ய நல்லநாள் பார்த்து செய்யுங்கள் "

Post Comment

Tuesday, 14 November 2017

நல்ல நேரம் குறித்து சிசேரியன் குழந்தை சரியா தவறா




நல்ல நேரத்தில் குழந்தை பிறக்கனும்னு நாள் குறிச்சு ஜோசியர்கிட்ட வாங்கிட்டு சிசேரியன் செய்துக்கிறாங்களே சிலர்..இந்த ஜாதகம் எல்லாம் பலன் கொடுக்குமா..?
சிசேரியன் இப்போ ஆரம்பித்த பழக்கம் இல்லை..சோழ மன்னர்கள் காலத்திலேயே நடந்திருக்கிறது..தன் மகன் தனக்கு பின் இந்த நாட்டை ஆள வேண்டும் என்பதற்காக ஜோசியரிடம் நேரம் குறித்துக்கொண்டான் சோழ மன்னன்.குறிப்பிட்ட நேரத்துக்கு முன்பாகவே ராணிக்கு பிரசவ வலி வந்து விட்டது..தன் மகன் மன்னன் ஆக வேண்டும் ஜோசியர் குறித்த நேரத்தில்தான் தன் மகன் பிறக்க வேண்டும் என்பதற்காக அந்த ராணி யாரும் நினைத்து பார்க்க முடியாத உத்தரவை பிறப்பித்தாள்
என்னை தலைகீழாக கட்டி தொங்க விடுங்கள் ..அந்த குறிப்பிட்ட நேரத்தில் என்னை அவிழ்த்துவிடுங்கள் அப்போதுதான் குழந்தை பிறக்க வேண்டும் என சொல்ல அதன்படி செய்யப்பட்டது..தலைகீழாக இருந்து பிறந்ததால் அக்குழந்தை கண்கள் ரத்தமாக இருந்தன..அவர்தான் செங்கண் சோழன் ..சோழ ராஜ்ஜியத்தில் பெரும் சாதனைகளை செய்த மன்னன்..
என்னதான் சிசேரியனுக்கு நால் குறித்தாளும் ,பெரும் கிரகங்களான சனியும்,குருவும் இருக்கும் ராசியை மாற்ற முடியாது..லக்னத்தை மாற்றலாம்..ராசியை மாற்றலாம்..பூர்வபுண்ணியம்,வம்சாவழி தோசங்களை நீக்க முடியாது..அக்குழந்தை யோகசாலியாக இருப்பான் என அவன் விதி இருந்தால்தான் சிசேரியன் மூலம் நல்ல நேரத்தில் குழந்தை பிறக்க முடியும் இதுவும் விதிப்படியே நடக்கும்
விதியை நீ மதியால் வெல்வாய் என்பதே உன் விதியாய் இருந்திருக்கும்..!!!
மேலும் வாசிக்க"நல்ல நேரம் குறித்து சிசேரியன் குழந்தை சரியா தவறா"

Post Comment

உங்களுக்கு மன நிம்மதி தரும் பரிகாரம்




கிராமங்களில் பச்சை வைத்தல் எனும் சம்பிரதாயம் உண்டு...அதாவது ஒருவருக்கு வீட்டில் உடல்நலம் சரியில்லாமல் மோசமாக இருந்தால் ஆட்டையோ கோழியையோ அந்த ஊர் எல்லையில் இருக்கும் தெய்வத்துக்கு பழி கொடுத்து ஊரில் இருக்கும் எல்லோருக்கும் சாப்பாடு போடுவது ஆகும்...பசியோடு இருப்பவருக்கு சாப்பாடு போடுவது போன்ற உன்னதமான பரிகாரத்துக்கு நிகர் எதுவும் இல்லை..
அமெரிக்காவின் முதல் கோடீஸ்வரர் என்ற பெருமையை பெற்றவர் ராக் பெல்லர்.இவர் மகா கஞ்சன்.பணத்தை பெருக்குவதில் திறமைசாலி இவர் ஒருமுறை நடக்க முடியாமல் உடல்நலம் சரியில்லாமல் படுக்கையில் இருந்தார். உலகின் புகழ்பெற்ற மருத்துவர்கள் எல்லோரும் பார்த்துவிட்டார்கள் ஒன்றும் பலன் இல்லை..
அப்போது அவர் வீட்டில் வேலை செய்யும் பெண் யதார்த்தமாக யாரிடமோ சொல்லிக்கொண்டிருந்தாள்..கஞ்சன்..யாருக்கும் காசு கொடுக்காம இவனும் திங்காம இருந்தான் இப்படி கிடக்கிரான் என சொல்ல ராக் பெல்லர் மனதில் அது இடி போல இறங்கியது உடனே தன் செயலாளர்களை அழைத்து பல கோடி டாலர்களை ஏழைகளின் நலனுக்காக செலவிட உத்தரவிட்டார்...அடுத்த நாளே படுக்கையில் இருந்து எழுந்தார் முன் போல சுறுசுறுப்பாக செயல்பட்டார் ..அப்போது அவர் ஆரம்பித்ததுதான் உலகின் மிகப்பெரிய எழைகளின் தொண்டு நிறுவனமான ,ராக்பெல்லர் பவுண்டேசன்.
உலகின் கோடீஸ்வரர்கள் எல்லோரும் இதர்கு நிதி உதவி செய்கிறார்கள் உலகில் இருக்கும் அடித்தட்டு மக்களை எல்லாம் தேடி சென்று இந்த பவுண்டேசன் உதவி செய்வதாக சொல்கிறார்கள்..அக்காலத்தில் நம் தமிழர்களில் பெரும் செல்வந்தர்களாக இருந்தவர்கள் எல்லாம் இறுதி காலத்தில் தர்ம சத்திரம் கட்டிதான் தங்கள் மன இறுக்கத்தை போக்கிக்கொண்டார்கள்...
பெரிய கோடீஸ்வரர்கள் எல்லோருக்கும் இறுதி காலத்தில் ஒரு பெரும் குழப்பம் வரும்..இவ்வளவு சம்பாதித்தோம்..எதற்காக ..இனி இவை என்ன ஆகும் என்ன இதனால் சாதித்தோம் என நினைக்க வைக்கும்..அதற்கு ஒரே வழி நம் தமிழ் செல்வந்தர்கள் கன்னியாகுமரி முதல் காசி வரை கட்டி வைத்த தர்ம சத்திரங்கள் அன்னதான கூடங்கள் வழி காட்டும்..!!!
மேலும் வாசிக்க"உங்களுக்கு மன நிம்மதி தரும் பரிகாரம் "

Post Comment

Wednesday, 8 November 2017

விருச்சிகம் ராசியினருக்கு சனி என்ன பலன் தருகிறார்? 2017


விருச்சிகம் ராசியினருக்கு சனி முடியும் வரை நல்ல பலன் சொல்வதற்கு இல்லை என்றாலும் எச்சரிக்கை கொடுத்துக்கொண்டே இருக்க வேண்டி இருக்கு..இப்போ உங்களுக்கு நாக்கில் சனி இருக்கிறார்..முன்பு போலவே இப்போதும் ஜாடை பேசறது,இடித்து ,பழித்து பேசுவது எல்லாம் செய்தால் சனி நல்லா வெச்சி செய்வார்...இரக்கமில்லையா உனக்கு என கேட்டாலும் விட மாட்டார்.
உறவுகள் நிரந்தர பகையாகும் காலம்..பழிக்கு பழி என உங்க எதிரிகள் உங்களை சூழ்ந்து நிற்கும் காலம் இது.பத்து வருசத்துக்கு முன்னாடி நடந்த தன் வினை எல்லாம் தன்னை சுடும் காலம்..வருமானம் எல்லாம் பெருசா எதிர்பார்க்க வெண்டாம் வந்தாலும் தங்காது.செலவு நிறைய இருக்கு.கடன் இருந்துட்டு போகட்டும்..மேலும் வாங்காம இருந்தா போதும்.குடும்பத்தில் வாக்குவாதம் என ஆரம்பிச்சா ஒரு வாரம் அனல் பறக்கும்..சில சமயம் சண்டை முடிய ஒரு மாசமும் ஆகலாம் ..கோபம் வந்துச்சின்னா அதிக சேதாரம் உங்களுக்குதான்...முறைச்சாலும் சேதாரம் உங்களுக்குதான்
.புத்தி மதி யாருக்காவது சொன்னா நீங்க எப்படி என கேட்கப்படும் காலம்.மவுனமா இருந்தாலும் பிரச்சினை வரும் என்னங்க சொல்றீங்க..ஆமா மவுனமா இருந்தாலும் பிரச்சினை வரும்..ஏன்னா நம்மை எல்லோரும் விசமாகவே பார்க்கப்படும் நேரம்...கனிவா பேசுங்க..அவமானம் வந்தா அந்த இடத்தை விட்டு போயிடுங்க..கனிவா பேசலைன்னாலும் கோபம் மட்டும் வரவே கூடாது.வந்தால் பெரு நஷ்டம்.
குழந்தைகளுக்காகவே வாழும் நீங்கள் ,குழந்தைதான் என் உயிர் என நினைக்கும் நீங்கதான் இந்த சமயத்துல அவர்களை வெளுத்து வாங்குவீங்க..கடும் சொல்லால் வாட்டுவீங்க...உங்க குழந்தைகள் இந்த சமயத்துல உங்க பேச்சை கேட்காது விட்டுடுங்க..சின்ன குழந்தைகள் இந்த ராசி என்றால் இப்போ சமர்த்தா இருக்க மாட்டாங்க..குறும்பு அதிகம்..படிக்க உட்காரவே கஷ்டப்படுவாங்க.சொந்த தொழில் செய்பவர்கள் பணப்பிரச்சினையில் அல்லாடும் காலம்.சனி இருப்பது தன ஸ்தானத்தில்..எனவே புதிய முதலீடுகள் ,புதிய முயற்சிகள் தோல்விகளை தழுவ வாய்ப்புகள் அதிகம்.இருப்பதை வைத்து சமாளிப்பதே உத்தமம்..

உடல் ஆரோக்கியம் எப்படி என கேட்பவர் கவனத்துக்கு .....சனி இப்போது காலுக்கு வந்திருக்கிறார் காலில் அடிபடும் காலம்..பணம் ,பொருள் தொலையும் காலம் ,அறுவை சிகிச்சை நடக்கும் காலம்..சனி முடியும் வரை மருத்துவ சிகிச்சை தொடரும்..சரியான மருத்துவமோ மருத்துவரோ கிடைக்காத துரதிர்ஷ்டமான காலம் மட்டுமல்ல..உங்கள் உடல்நலத்தை நீங்களே சரிவர பார்த்துக்கொள்ள முடியாத சோம்பலையும்,அலட்சியத்தையும் சனி உண்டாக்குவார்..எனவே சும்மா இருந்தா சனி இன்னும் அழுத்துவார்..உழைப்பு,முயற்சி,சோம்பியிராமல் இருப்பது,எப்போதும் விழிப்புடன் இருப்பதுதான் சனியை சமாளிக்கும் வழிகள்... சனி முடியும் வரை இதை மீண்டும் மீண்டும் படிச்சுக்குங்க.
மேலும் வாசிக்க"விருச்சிகம் ராசியினருக்கு சனி என்ன பலன் தருகிறார்? 2017"

Post Comment

x

புதிய பதிவுகளை இலவசமாக ஈமெயில் பெற

Enter your email address:

Delivered by FeedBurner