/> November 2011 | ஜோதிடம்| நல்ல நேரம்|jothidam

Wednesday, 30 November 2011

புலிப்பாணி ஜோதிடம் 300;மந்திரவாதி ஜாதகம்

புலிப்பாணி ஜோதிடம் 300;மந்திரவாதி ஜாதகம்


பாரப்பா யின்னமொரு புதுமை கேளு
பால்மதிக்கு நாலோனும் சுங்கன் கூடில் 
கூரப்பா யெத்தடத்தில் கூடிட்டாலும்
கொற்றவனே ஜென்மனுமோ மந்திரவாதி
வீரப்பா வராகி துர்க்கை தேவி அம்மன்
விதமான பூசை தனை மண்ணோர் போற்ற
சீரப்பா போகருட கடாட்சத்தாலே
செப்பினேன் புலிப்பாணி செயலைதானே.

விளக்கம்;

புதுமையான ஜாதகரின் பலனை கூறுகிறேன்.கேட்பாயாக.சந்திரன் இருக்கும் வீட்டிற்கு நாலாவது வீட்டானுடன் சுக்கிரன் சேர்ந்திருந்தால் அல்லது எட்டாம் இடத்தில் கூடியிருந்தாலும் இந்த ஜாதகர் மந்திரவதியாவார்.இவர் வராகி,துர்க்கா தேவி,காளிகா தேவி போன்றோர்களுக்கு பூசைகள் செய்வார்.இதனால் ஊரில் உள்ளோர்கள் போற்றுவார்கள்.இதனை போகருடைய அருளினாலே புலிப்பாணி கூறியுள்ளேன்!!


குறிப்பு;மந்திரவாதிகள்,மாயம்,மந்திரம் எல்லாம் ஏமாற்று வேலை என படித்த இளைஞர்களும்,கைநிறைய சம்பாதித்து செட்டில் ஆனவர்களும் சொல்கின்றனர்.என்னை போல நீயும் அறிவாளியா ! இரு என்பதுதான் அவர்கள் வாதம்.நான் என்ன சொல்றேன்னா இதை முழுசா ஆய்வு செய்யாம எதையும் நாம முடிவு பண்ண முடியாது.உளறி கொட்டவும் கூடாது.என் சின்ன வயதில் எங்கள் பக்கத்து வீட்டில் ஒரு மந்திரவாதி குடியிருந்ததாகவும்,அவர் ஒரு நாள் நான் மந்திரத்தால் எதுவும் செய்ய முடியும் என சொல்லி,எனது சைக்கிளை சில வினாடிகள் மறைய வைத்து பின்பு தோன்ற செய்தாராம்.இதன் பின் அவரைக் கண்டு பயந்து போய் அருகில் உள்ள குடியிருப்போர்கள் ஒன்று சேர்ந்து அவரை வீடு காலி செய்து போக சொல்லிவிட்டதாக சொல்வார்கள்.

இன்று ப்ளாக் மேஜி செய்பவர்கள் விமானம்,தாஜ்மஹாலை மறைய செய்பவர்கள் எல்லாம் கேள்விபடுகிறோம்.அவர்களை பிரமிப்பாக மீடியாக்கள் புகழவும் செய்கின்றன.ஆனால் காளி துணையால் பல சித்துக்களை செய்யும் மந்திரவாதிகள் தமிழ்கத்தில் பல கிராமங்களிலும்,காண முடியும்.மக்கள் ஒதுக்கி விடுவார்கள் என பயந்து தன் சக்தியை வெளிக்காட்டாமல் இருக்கும் மந்திரவாதிகள் நிறைய உண்டு.அவர்கள் சக்தி வாய்ந்த கோயில்களில் இன்றும் நடு சாம பூஜை செய்து கொண்டுதான் இருக்கின்றனர்.

மந்திரவாதி என்றால் இன்று பணத்துக்காக குழந்தைகளை நரபலி கொடுக்கும் போலிகளும்,பெண்களை நிர்வாணமாக்கி பூசை செய்யும் காமுகர்களும்தான் இதன் மகத்துவத்தை அழிக்கின்றனர்.இந்த கொடூரம் உண்மையான மாந்திரீகத்தில் இல்லை.துன்பத்தில் வாடும் மக்களை காப்பதே மாந்த்ரீகம்
மேலும் வாசிக்க"புலிப்பாணி ஜோதிடம் 300;மந்திரவாதி ஜாதகம்"

Post Comment

Tuesday, 29 November 2011

ஜெயலலிதா நம்பும் நியூமராலஜி -ஜோதிடம்

ஜெயலலிதா நம்பும் நியூமராலஜி -ஜோதிடம்


தமிழக முதல்வர் ஜெயலலிதாவுக்கு ஜோதிடம்,ஆன்மீகம்,எண் கணிதம் மீது மிகுந்த நம்பிக்கை உண்டு.அரசியல் ரீதியாக கட்சி ரீதியாக ஒவ்வொரு செயல்பாட்டையும்,  ஜோதிட கணித அடிப்படையில் கணக்கிட்டுத் தான் அமைத்துக் கொள்வார்.இது அனைவரும் அறிந்த உண்மைதான்.அவர் நியூமராலஜி நம்பிக்கையும் எப்போதும் கொண்டிருக்கிறார் என்பதையும் தினமலர் அவ்வப்போது சுட்டிக் காட்டும்.

எண்கணிதம் பற்றி விஜய் டிவியில் நீயா நானா வில் கிண்டல் அடித்து ஒரு நிகழ்ச்சி நடந்தது.அதில் பலர் மன பலவீனர்களாக நியூமராலஜி நம்பிக்கையாளர்களை கிண்டல் செய்தனர்.அப்படி பார்த்தால் தமிழ்க முதல்வர் ஜெயலலிதாவின் நியூமராலஜி நம்பிக்கையை என்னவென்று சொல்வது..?அவர் எந்த நம்பிக்கையில் அதை செய்கிறார்..? கருணாநிதி குடும்பத்தார் திருப்பதி செல்வதும்,சாமியார்களை சந்திப்பதும்,பரிகாரம் செய்வதும்,கனிமொழி விடுதலை ஆக வசந்தி ஸ்டான்லி எனும் தி.மு.க எம்.பி மொட்டை அடித்து கொண்டதும் எதற்காக..? விஜய் டிவி நீயா நானா நிகழ்ச்சியில் நியூமராலஜி நிகழ்ச்சி மூலம் எண்கணித ஜோதிடம் இன்னும் பிரபலமடைகிறது.இதை பற்றி அறியாதவர்களும் அறிந்து கொண்டனர்.என்னை போன்ற நியூமரலஜிஸ்ட் களுக்கு இதில் சந்தோசமே.அதில் நியூமராலஜிக்கு ஆதரவாக வாதிட்டவர்களுக்கு எனது நன்றி.

நியூமராலஜி,ஜோதிடம்,கடவுள் எல்லாம் உண்மையே.நம்பிக்கை உள்ளோருக்கு நன்மை நடந்து கொண்டே இருக்கிறது.கடவுள் மறுப்பாளர்களில் பெரியாரை பெண் விடுதலை பற்றிய விழிப்புணர்வூட்டிய தலைவர் என்று வேண்டுமானால் சொல்லலாம், ஆனால் அவர் கடவுள் மறுப்பு கொள்கையால் தமிழ்கத்திலும் இந்தியாவிலும் கடவுள் வழிபாட்டை நிறுத்திவிட்டார்களா..? மாறாக பல ஆயிரம் மடங்கு அதிகரித்துக் கொண்டே இருக்கிறது.பெரியாருக்கு பின் கடவுள் மறுப்பாளர்கள் யாரும் பிரபல முடியவில்லை என்பது வேறு விசயம்.

 15.11.2011 சனி பெயர்ச்சிக்கு பின் பெங்களூர் சென்று முழுமையாக வழக்கிற்கு ஒத்துழைப்பு கொடுத்தார்.காரணம் அவரது ராசியான சிம்மத்திற்கு ஏழரை சனி முழுவதுமாக விலகி இருந்தது.சனி பெயர்ச்சிக்கு பின் தான் பஸ் கட்டணத்தை பால் விலை உயர்வை அறிவித்தார்.காரணம் ஏழரை சனி முடிந்தால் தனக்கு .எதிர்ப்புகள் கடுமையாக இருக்காது என்பதற்காக.

ஜெயலலிதா நினைத்தால் கருணாநிதி போல கட்டணத்தை உயர்த்தாமல் காலம் தள்ள முடியும்.ஆனால் பல முறை டீசல் விலை உயர்வுக்கு பின் எல்லா விலை வாசியும் பொருளாதாரத்துக்கு தகுந்தாற்போல உயர்ந்திருக்கும்போது பஸ் கட்டணம் உயரவில்லை எனில் அது நல்ல நிர்வாகத்துக்கு அழகல்ல.வரும் 1 ஆம் தேதி முதல் பீர் விலை பிராந்தி விலை எல்லாம் 100 ரூபாயாம்.இதுக்கு எதிர்ப்பே இருக்காதே.தமிழக அரசின் நிதி நிலை உயர்ந்தால்தான் இந்த அரசு மக்கள் வளர்ச்சி பணிகளில் கவனம் செலுத்த முடியும்.

ஜெயலலிதா ராசி எண் 7;

கடந்த 91-96 ஆம் ஆண்டுகளில் அவர் முதல்வராக பொறுப்பேற்ற பின் 9 ஆம் எண் அவரது ராசி எண்ணாக இருந்தது.தேர்தலில் ஜெயலலிதா வெளியிட்ட வேட்பாளர்கள் பட்டியலில் 160 பேர் இடம்பெற்றனர்.ஜெயலலிதா முதல்வராக பொறுப்பேற்ற தேதி 16.முதல்வரான பின்,7 முக்கிய கோப்புகளில் கையெழுத்திட்டார்.அமைச்சர்வையில் இடம் பெற்றவ்ர்கள் 34 பேர்.இவ்வளவு ஏன் நேற்று அ.தி.மு.க வில் பா.ம.க,தி.மு.க,தே.மு.தி.க வினர் பலர் ஜெயலலிதா முன்னிலையில் அ.தி.மு.க வில் இணைந்தனர்.மொத்தம் எத்தனை பேர் தெரியுமா.12,130 கூட்டு எண் 7.எம்.ஜி.ஆர் வாழ்வில் பல திருப்பங்களை தந்தது இந்த 7 ஆம் எண் தான்.அதனால் ஜெயலலிதா வும் அதை பயன்படுத்த ஆரம்பித்திருக்கிறார் என நினைக்கிறேன்.ஜெயலலிதா பிறந்த நட்சத்திரம் மகம்.அதன் அதிபதி கேது.7 ஆம் எண்ணின் அதிபதி கேது.அதனாலும் இவர் 7 ஆம் எண்ணை பயன்படுத்தலாம்...ராசியான நிறம் பச்சை பயன்படுத்தி வந்தவர் இப்போது மெரூன் கலரும் பயன்படுத்துகிறார்.

மாற்றுத்திறனாளிகளுக்கு உதவும் வகையில், அவர்களுக்கென சென்னையில் சிறப்பு பஸ்கள் இயக்கப்பட்டுள்ளன. இப்பஸ்களின் துவக்க விழா இன்று நடந்தது. விழாவில், முதல்வர் ஜெயலலிதா கலந்து கொண்டு பஸ்களை துவக்கி வைத்தார். இப்பஸ்களில் மாற்றுத்திறனாளிகளுக்கென 7 சக்கர நாற்காலிகள் வைக்கப்பட்டிருக்கும். மேலும், ஹைட்ராலிக் முறையில் அவர்கள் பஸ்சினுள் செல்ல சிறப்பு வழியும் அமைக்கப்பட்டுள்ளது.


ஊனமுற்றோருக்கு சிறப்பு பஸ் அறிவிப்பை பார்த்தால் இது சனி பகவானுக்கான பரிகாரம் தான்.என்பது புரியும்.மாற்று திறனாளிகளுக்கு நல்லது செய்யும் முதல்வருக்கு நன்றி.


எம்.ஜி.ஆர் வாழ்வில் திருப்பம் தந்த 7ஆம் எண் பற்றி படிக்க;


மேலும் வாசிக்க"ஜெயலலிதா நம்பும் நியூமராலஜி -ஜோதிடம்"

Post Comment

Monday, 28 November 2011

தமிழ் பொண்ணுங்க விரும்பும் ஜோதிடம்

தமிழ் பொண்ணுங்க விரும்பும் ஜோதிடம்

இன்று பூராடம் நட்சத்திரம்.சுக்கிர நட்சத்திரத்துல் வேறு என்ன எழுதுவது.பெண்கள் பத்தி, காதல் பத்தி அதுல ஜோதிடத்தை கலந்து எழுதறேன்.



பருவ வயசுல இருக்குற தமிழ் பொண்ணுங்க மட்டுமில்ல உலகத்துல இருக்குற எந்த டீன் ஏஜ் பொண்ணும் தனக்கு புடிச்ச அழகான வாலிபன் தனக்கு கிடைப்பானா என ஏங்கும்போது, அவனுக்கு பல விதத்துலியும் தூது விட்டு பார்ப்பா.அப்புறம் சாமி கிட்ட வேண்டுதல் வைப்பா.அதுக்கப்புறம் தன் தோழி கிட்ட சொல்லி புலம்புவா.அப்புறம் தன் ராசியையும்,காதலன் ராசியையும் சொல்லி ஜொசியம் பார்க்குறது.ராசி தெரியலைன்னா இரண்டு பெயரையும் சொல்லி பேர் பொருத்தம் இருக்கா னு கேட்குறது.

அப்புறம் கைரேகை,குறி சொல்லும் கிழவி என தன் காதல் நோய்க்கு மருந்து தேடி கொண்டிருப்பாள்.தமிழ் பொண்ணுங்க ரொம்ப விவரம்.தன் தோழியோடு போய் தன் ஜாதகத்தை காட்டி எனக்கு காதல் திருமணம் வாய்ப்பு இருக்கா..ன்னு கேட்பாங்க..பல பெண்கள் தன் தோழி முகவரி அல்லது ஹாஸ்டல் முகவரியில் இருந்து ஜோசியருக்கு கடிதம் எழுதுவாங்க.தபால் மூலமா ஜாதக பலன் கேட்பாங்க.எனக்கு இது போல தபால்,ஈமெயில் நிறைய வந்துகிட்டிருக்கு.


காதல் பருவ வயசுல வருவதுதான்.இது எதிர்பாலினரின் அழகான தோற்றமோ அல்லது கவர்ச்சியான பேச்சிலோ மனதை பறிகொடுத்து பின்பு கண்ணும் கண்ணும் காதல் விளையாட்டு விளையாண்டபின்,தன் உடலில் இருக்கும் பருவ வயசு ஆசை சுரப்பிகள் சுரக்க ஆரம்பித்ததும் அடந்த போதைக்கு அடிமையாகி விடுவர்.காதல் என்பது வளர்ச்சியடையாத காமத்தின் பெயர்.காதல் முற்றினா காமம்.

அவளை பார்க்காம இருக்க முடியலை..பார்த்தா பேசாம இருக்க முடியல...பேசினா தொடாம இருக்க முடியலை.தொட்டு பேசினா சில்மிசம் பண்ணாம இருக்க முடியலை..இப்படியே மேலே மேலே போகும்.ஆசை அடங்காது.கண்ல ஆரம்பிச்சு எங்கெங்கோ முடியும்.அதுதான் இயற்கையின் படைப்பு.இயற்கை அது நோக்கி போகத்தான் ஒவ்வொரு உயிரையும் படைச்சது.ஒவ்வொரு உயிரும் இப்படித்தான் ஆரம்பிக்குது.ஆனா மனிதர்களின் காதலும் விலங்குகளின் காதலும் ஒன்றல்ல.நமது காதல் புனிதமானது.

எப்படி..?

இறக்கும் வரை அது தொடரும்.ஆசை பட்டவங்களை நினைச்சுகிட்டே எத்தனை பேர் கல்யாணம் பண்ணிக்காம இருக்காங்க.அப்ப ஆசைபட்டவங்களை மறந்துட்டு கல்யாணம் பண்ணவங்க விலங்குகளா..? அப்படி இல்லை.ஆனா அவங்க துணையை நேசிக்குறாங்க.துணை தான் விரும்புனவங்க அளவு இல்லைன்னாமறுபடி அந்த பழைய காதல் பாடா படுத்திடும்.இப்படி மனசை ஒண்ணை படைச்சி தான் விரும்புனவங்களை நினைச்சு நினைச்சு ஏங்குறோமே அதுதான் மனிதனுக்குள்ள சிறப்பு.


ஜோசியத்துல காதல் கிரகங்களில் முக்கியமானவை சந்திரனும்,சுக்கிரனும்தான்.இவங்க தான் அழகுக்கும் அறிவுக்கும் கவர்ச்சிக்கும் அதிபதி.சந்திரன் கெட்டா காதல் தோல்வி.சுக்கிரன் கெட்டா பெண் சுகமே இல்லாத வாழ்க்கை.கன்னமும் ஒடுக்கு விழுந்து கவர்ச்சி இல்லாம இருப்பாங்க.சுக்கிரன் கெட்டு போனவங்களை எங்கு போனாலும் நாய் துரத்தும்.சுக்கிரன் நல்லா ஜாதகத்துல இருந்தா அவங்களை எப்பவும் நாய் நிறைய நாய் சுத்தும்.நடிகைகள் வீட்ல நிறைய நாய் வளர்ப்பாங்க..நடிகைன்னாலே சுக்கிரன் வலு பெற்றவங்கதானே.அதான் கவர்ச்சி கிரகம்.சினிமா,நாடகம்,கலைத்துறை கிரகம்.மனைவி ந்னு சொன்னதும் நான் எழுதுன..உங்களுக்கு எத்தனை மனைவி என்ற பதிவு நினைவுக்கு வருது.அதையும் படிங்க.

செவ்வாய் கலக காரகன்.சுக்கிரனுன் சேர்ந்தா காம சேட்டைகள் நிறைய செய்வான்.பஸ் ல காமலீலை செய்யறது ....ஈவ் டீசிங் எல்லாம் வரும்.

சனியும் சுக்கிரனும் செக்ஸ் வக்ரம்.

ராகுவும் சுக்கிரனும் பல பெண்கள் உடலுறவு,பக்கத்து வீட்டை நோட்டம் விடுறது.ஆம்பளைக இல்லைன்னா வீடு புகுந்துருவான்.

சுக்கிரனும்,சந்திரனும் சேர்ந்தா அடிக்கடி ’காதல்’ வரும்.எப்போதும் இன்பம் தான்.சுற்றி கோபியர் கொஞ்சும் ரமணா தான்.!!

ரிசபம்,கடகம்,துலாம் ராசிக்காரர்கள் தன் மனைவி /கணவன் மீது அதிக பிரியம் பாசம் உள்ளவர்கள்.சனியின் ராசிகளான மகரம்,கும்பம் கொஞ்சம் சுகம் குறைவு.

புதன் அறிவு கிரகம்.இவர் நல்லாருந்தா கலகலப்பா அறிவார்ந்த முறையில பேசி எதிராளியை கவுத்துருவாங்க...ஆண் பெண் வசியத்துக்கு மெயின் இவரும் ..இல்லையா.நம்ம விஜய் டிவியில சிவ கார்த்திகேயன் மாதிரி.உடனுக்குடன் சாதூர்யமா பேசறது,போரடிக்காத பேச்சு,ஜோக்கடிப்பது பெண்களுக்கு ரொம்ப பிடிக்கும்.உடனே மனசை பறி கொடுத்துருவாங்க.

கற்றோரை கற்றோரே காமுறுவர் என வள்ளுவர் சொன்ன மாதிரி உங்க அறிவுக்கும் டேஸ்டுக்கும் தகுந்த மாதிரிதான் உங்களுக்கு துணை கிடைக்கும்.நீங்க உங்க துணை அளவுக்கு இல்லைன்னா வாழ்க்கை கசந்துரும்.

மனைவியை காதலிக்க தெரியணும்.கட்டிலில் அசத்த தெரியணும்.ரொம்ப எதிர்பார்ப்பான மனைவியா இருந்து நீங்க..பெருசா எதையும் எடுத்துக்காத ஆளா இருந்தாலும் ஃபெயில் தான்.நீங்க மன்மத ராசா வா இருந்து உங்க மனைவி ஏய்யா சும்மா எரும கணக்கா உரசுற ...என எகிரும் டைப்பா இருந்தாலும் நீங்க ஃபெயில் தான்.

இதை கண்டுபிடிக்க காதல் செய்து புரிஞ்சிக்கிட்டு கல்யாணம் பண்ணிக்கனும்.இல்லைன்னா  ஜோசியர் கிட்ட ஜாதகம் காண்பிச்சு திருமண பொருத்தம் பார்த்து கல்யாணம் பண்ணனும்.நட்சத்திர பொருத்தம் மட்டும் பார்த்துட்டு 9 பொருத்தம் சூப்பர் பொருத்தம்.என கல்யாணம் செய்தா அப்புறம் ஒரேடியா கூவிவிடும்.

ஒரு ஜாதகத்துல சுக்கிரன்,சந்திரன் என இரு கிரகங்களையும் பார்த்தாலெ பல விசயங்களை அதாவது அந்தரங்க விசயங்கள்ல இவங்க எப்படினு சொல்லிடலாம்...!

அதுதான் பொருத்தம் பார்க்கும் முறை.ஆசை அதிகம் இருப்பவருக்கும் ஆசை ரொம்ப லிமிட்டா இருக்குறவங்களையும் கல்யாணம் பண்ணி வெச்சா விவகாரம் கோர்ட் வாசல்ல தான் முடியும்..!!
மேலும் வாசிக்க"தமிழ் பொண்ணுங்க விரும்பும் ஜோதிடம்"

Post Comment

Saturday, 26 November 2011

தொந்தியை கரைக்க..குழந்தை கொழு கொழுவென பிறக்க..

கொழுப்பை கரைக்கும் மீன் எண்ணேய்

உடலில் தேவையற்ற பாகங்களில் உள்ள கொழுப்பை கரையச் செய்யும் ஆற்றல் மீன் எண்ணையில் உள்ளது.இதனால் மீன் எண்ணையில் உள்ளது.இதனால் தினமும் மீன் எண்ணைய் சாப்பிட்டால் வயிற்று பகுதியில் உள்ள வேண்டாத சதைப் பகுதி (தொந்தி) கரைகிறது.

வாரத்திற்கு மூன்று அல்லது நான்கு முறை மீன் எண்ணெய் சாப்பிடுங்கள்.அல்லது அசைவ உணவில் குழம்பு மீனை அதிகம் சேர்த்துக் கொள்ளுங்கள்.கர்ப்பிணிகள் இதை உண்பதால் கர்ப்பிணிகளின் உயர் ரத்த அழுத்தம் குறையும்.குழந்தை கொழு கொழுவென பிறக்கும்.

கலிபோர்னியா பலகலை கழகத்தின் ஜான்சன் புற்று நோய் மருத்துவ மையம் மார்பக புற்று நோய் திசுக்களை மீன் எண்ணெய் மாற்றி விடுகிறது என கண்டறிந்துள்ளனர்.
மேலும் வாசிக்க"தொந்தியை கரைக்க..குழந்தை கொழு கொழுவென பிறக்க.."

Post Comment

Friday, 25 November 2011

ரகசிய உறவு பற்றி சொல்லும் ஜோசியம்

ரகசிய உறவு பற்றி சொல்லும் ஜோசியம்


இன்று வெள்ளிக்கிழமை சுக்கிரன் நாள் என்பதால்,சுக்கிரன் மேட்டர்.குரு,சுக்கிரன் மட்டும் வைத்து இதை பார்ப்போம்.சில விசயங்கள் மட்டுமே இங்கு சொல்லியிருக்கிறேன்.. குரு,சுக்கிரன் சேட்டைகள் சொல்வதற்கு நிறைய இருக்கிறது..அவ்வப்போது எழுதுகிறேன்..!

சுக்கிரனை தொட்டாலே பெண் மோகம் தான்...எந்த ஜாதகமானாலும் கற்பொழுக்கத்தில் கறை என்று சொல்லும்போது குரு கிரகத்தை பார்க்க வேண்டும்.குரு ஆட்சி உச்சம் பெற்று நின்றுவிட்டால் அது கேந்திர கோணமாக இருந்துவிட்டால் அடக்கி வாசிப்பது அவசியம்..

ஏன்..?

பரம்பரை எண்ணத்தை வரும்படி செய்பவர் குரு.இருக்கும் கவுரவத்தை இழந்துவிடக்கூடாது என்று சிந்திக்க வைப்பவர் குரு.அதனால் வலிய வரும் வாய்ப்புகளை கூட தவறவிட்டு,தன் நிலை தாழாமல் பார்த்துக்கொள்வார்.

ஆனால்..?

ஆறு,எட்டு க்குடைய கிரகத்தின் நட்சத்திர சாரம் பெற்ற குருவாக இருந்தால் அவிழ்க்கிற துணி அடுத்தவருக்கு தெரியாது. ரகசியமாய்....ஒரு உறவு அரங்கேறும்..!

லக்கினத்தில் சுக்கிரன் இருக்குறவன் வீட்டுக்கு போனா வாசல்ல நின்னு கூப்பிடுவதே நல்லது.வீட்டுக்குள்ள போனா நீலப்படம்தான்...இவங்க கண்ல சொக்குப்பொடி வெச்ச மாதிரி எல்லோரும் இவங்க பின்னாடி சுத்துவாங்க.

லக்கினத்துக்கு 3ல் சுக்கிரன் இருக்குறவர் பக்கத்துல கொக்கேக முனிவர் கூட கிட்ட போக முடியாது..காமலோகம் இவர் பக்கம்தான்.

லக்கினத்துக்கு எட்டில் சுக்கிரன் இருந்தால் டிப்ளமோ இன் காமசூத்திரா.

குரு திசை ஒருவருக்கு நடக்கும்போது கடவுள்,பக்தி,ஆன்மீகம்னு பல பேர் நினைக்கிறாங்க...அது தப்பு.குரு என்றால் நாகரீகம்.அதனால இவங்க தப்பு மறைமுகமா நடக்கும்,அவ்ளோதான்.டாஸ்மாக் ல இவங்களை பார்க்க முடியாது.5000 செலவழிக்குற பஃப் பார்ல இவங்களை பார்க்கலாம்..அல்லது 50 கிலோ மீட்டர் தொலைவுல ஒரு சின்ன வீடு இருக்கும்...இதோ இப்போ வந்துடுறேன் என சொல்லிவிட்டு,3 மணி நேரம் கழித்து வருவார்...ஒருத்தரும் கண்டுபிடிக்க முடியாது.


எட்டில் குரு இருந்தா ஊருக்குள்ள இவர்தான் மைனர்.விதம் விதமாய் ரகம் ரகமாய்.எப்படி உசார் பண்றார்னு பக்கத்துல இருந்து கவனிச்சாலும் புரியாது.


பத்தில் குரு..பெண்கள் பால் பலவீனன்.ஆனா இது வேற மாதிரி..அது என்னா...பலவீனம்னு நினைச்சிக்குங்க அவ்ளோதான்.


மேலும் வாசிக்க"ரகசிய உறவு பற்றி சொல்லும் ஜோசியம்"

Post Comment

Thursday, 24 November 2011

சனி பகவான் பவர் ;மிரண்டுபோன நாசா


சனி பெயர்ச்சி சீசனில் பலருக்கும் ஈமெயில் மூலமாக வந்த,புகழ் பெற்ற அதிகம் பேரை கவர்ந்த பரபரப்பு கட்டுரைஇது.இதை நம் நல்ல நேரம் தளத்திலும் வெளியிடுகிறேன்...



நாசாவுக்கே தண்ணிகாட்டிய திருநள்ளாறு!


Satellite.jpg

இன்று பல நாடுகள் செயற்கைகோள்களை விண்வெளிக்கு அனுப்பி வருகின்றன. அவற்றில் செல்போன் பயன்பாடு, ராணுவ பயன்பாடு,

உளவு என பல்வேறு காரங்களுக்காக பயன்படுத்தப்படுகிறது. சில வருடங்களுக்கு முன்பு அமெரிக்க செயற்கைகோள் ஒன்று பூமியின் குறிப்பிட்ட பகுதியை கடக்கும் பொது மட்டும் 3 வினாடிகள் ஸ்தம்பித்துவிடுகிறது. 3 வினாடிகளுக்கு பிறகு வழக்கம்போல் வானில் பறக்க ஆரம்பித்து விடுகிறது. எந்தவித பழுதும் அதன் செயற்கைகோளில், அதன் கருவிகளில்ஏற்படுவதில்லை. இந்த சம்பவம் நாசாவிற்கு அதிர்ச்சி கலந்த ஆச்சரியதயை அளித்தது.



இது எப்படி சாத்தியம்??? - என்பதை ஆராய்ந்து, கிடைத்த முடிவு நாசாவை மட்டுமல்ல, உலகையே மிரள வைத்தது.

ஆம்! எந்த ஒரு செயற்கைகோளும் பூமியில் இந்தியாவின்-தமிழ்நாடு அருகில் உள்ள புதுச்சேரி- திருநள்ளாறு ஸ்ரீ தர்ப்பநேஷவரர் கோவிலுக்கு மேல் நேர் உள்ள வான்பகுதியை கடக்கும் 3 வினாடிகள் மட்டும் ஸ்தம்பித்துவிடுகின்றன. 

அப்படி நிகழ்வதற்கு என்ன காரணம் ???



ஒவ்வொரு நாளும் ஒவ்வொரு வினாடியும் கண்ணுக்கு தெரியாத கருநீலகதிர்கள் அந்த கோவிலின் மீது விழுந்துகொண்டே இருக்கிறது.
இரண்டரை வருடங்களுக்கு ஒரு முறை நடக்கும் சனி பெயர்ச்சியின் பொது இந்த கருநீலகதிர்களின் அடர்த்தி மிகவும் அதிகமாக இருக்கும். விண்வெளியில் சுற்றி கொண்டிருக்கும் செயற்கைகோள்கள் இந்த கருநீலகதிர்கள் பாயும் பகுதிக்குள் நுழையும்போது ஸ்தம்பித்து விடுகின்றன. அதே நேரத்தில் செயற்கைகோள்களுக்கு எந்த விதபாதிப்பும் ஏற்படுவதில்லை.


thirunallaru.JPG


இதில்குறிபிடத்தக்க அம்சம் என்னவென்றால் இந்த கோவில்தான் இந்துக்களால் 'சனிபகவான்' தலம் என்று போற்றபடுகிறது. இந்த சம்பவத்திற்கு பிறகு நாசாவிலிருந்து பல முறை திருநள்ளாறு வந்து ஆராய்ச்சி செய்து விட்டனர். மனிதனை மீறிய சக்தி உண்டு என்பதை உணர்ந்தனர். அவர்களும் சனிபகவானை கையெடுத்து கும்பிட்டு உணர்ந்தனர். இன்று வரை விண்ணில் செயற்கைகோள்கள்
திருநள்ளாறு பகுதியை கடக்கும் பொது ஸ்தம்பித்து கொண்டே இருக்கிறது."



இந்த செய்தியை கேட்டு பிரமிக்காதவர்கள் நம்முடைய முன்னோர்களை நினைத்து கட்டயம் பிரமிக்கவேண்டும். நாம் பல செயற்கைகோள்கள் கொண்டு கண்டறியும் சனிகோளின் கதிர்வீச்சு விழும் பகுதியை கண்டு பிடித்து அதற்கென ஒரு கோயிலையும் கட்டி , கதிர்வீசுகள் அதிகள் விழும் நாட்களையும் கணக்கிட்டு அதற்க்கான நாளை சனிபெயர்ச்சி என்று அறிவிக்கும் திறமையை,நம்மால் நினைத்துக்கூட பார்க்க முடியாத ஒரு தொலைநோக்கு பார்வை கொண்ட நம் முன்னோர்களை நினைத்து என்னால் பிரமிக்காமல் இருக்க முடியவில்லை.



இதை விஞ்சும் வகையில் ஒரு உண்மையை பாருங்கள்;.

நீங்கள் எதாவது சிவன் கோவிலுக்கு சென்றால் அங்கே
நவகிரகங்களை நன்றாக கவனியுங்கள். அந்த சிலைகளின்மேல் கட்டப்பட்டுள்ள துணிகளையும் நன்றாய் உற்று பாருங்கள்!!

உங்கள் அறிவியல் அறிவையும் கொஞ்சம் தட்டிவிடுங்கள்!!



எந்த கோள் எந்த நிறத்தில் இருக்கும் என்பதை நம் முன்னோர்கள் கட்டிவைத்திருக்கும் அந்த துணிகளில் கண்டறியுங்கள், பிரமித்து போவீர்கள் பெரியோர்களின் அறிவாற்றலை நினைத்து, இந்தஅறிவியலின் அதிசயத்தை அனைத்து தலைமுறையும் அறியவேண்டும், அதற்காக அவர்கள் நம்மை பின்பற்ற வைத்ததுதான் கடவுள் மார்க்கம் என்றே நான் எண்ணுகிறேன்...
எது எப்படியோ??? நமது முன்னோர்கள் நம்மை விடகில்லாடிகள் !!!!

எப்படியோ ,அவர்கள் போட்ட புதிருக்கு இன்னும் விடை தெரியாமல்
அலைந்து கொண்டிருகிருகிறோம்.. அறிவியல் வளர்ச்சியோடு.

நமக்கு மேலே ஒருவன்..
மேலும் வாசிக்க"சனி பகவான் பவர் ;மிரண்டுபோன நாசா"

Post Comment

Wednesday, 23 November 2011

ஜோதிடம் கற்போருக்கு சில குறிப்புகள்

மனைவி அமையும் யோகம்;ஜோதிடம்;ஜோதிடம் கற்க இது முழுமையான பாடம் அல்ல.ஆனால் முக்கியமான பகுதிகளில் இதுவும் ஒன்று.


ஜோதிட சாஸ்திரத்தில் இன்பத்தை பற்றி சொல்வதற்கு 7 இடங்கள்.துன்பத்தை பற்றி சொல்வதற்கு 5 இடங்கள்.ஐந்து இடங்கள் பற்றி தெரிந்து கொண்டாலே 7 இடங்கள் பற்றி தெரிந்து கொள்ளலாம்.

லக்கினம் முதல் எண்ண வரும் 3,6,8,12 இந்த நான்கு இடங்களும் மறைவு ஸ்தானங்களும் என்கிற விதியின் கீழ் ஜாதக்ஜனை அல்லல்படுத்தி அலைக்கழித்து பார்க்கிற இடங்கள்.எஞ்சியது ஒன்று.அது பாதக ஸ்தானம்.அது எப்படி அறிவது..?

12 ராசிகள்.இதி சர ராசி.ஸ்திர ராசி,உபய ராசி என்கிற மூன்று பிரிவுகள் உண்டு.மேசம்,கடகம்,துலாம்,மகரம்,இந்த நான்கு ராசிகளும் சர ராசி.இந்த ராசியை லக்கினமாக கொண்டு ஜனிக்கிற ஜாதகருக்கு அது முதல் எண்ண வரும் 11 ஆம் இடம் பாதக ஸ்தானம்.அங்கு அமரும் கிரகம் சுபராய் இருந்தாலும், கெட்டவன் .ஆகிறார்

இதனால் என்ன நடக்கும்..?

.அந்த கிரகம் கெடு பலனே தரும்.இதனால்தான் பெரும்பாலான சர லக்னகாரர்கள் சேமிக்க முடிவதில்லை..இவர்கள் கணக்கில் பணம் இருந்தாலும் கரைந்துவிடும்..குடும்பத்தார் பெயரிலோ ,பினாமி பெயரிலோ இருந்தால் தப்பிக்கும்.கடக லக்கினத்துக்கு பாதகாதிபதி சுக்கிரன்.

கடக லக்கினத்தார் சுக்கிரன் திசையில வாங்குனதெல்லாம் அதன் திசையிலேயே கெடுத்தும் வெச்சிரும்.பெண்களால் இவர்களுக்கு தொல்லை நேர்வதும்,மனைவியால் அல்லல்படுவத்ற்கும் சுக்கிரன் பாதகாதிபதியாவதுதான் காரணம்.அதனால்தான் மகான்கள் கடக லக்கினத்தில் பிறக்கிறார்களோ...காம எண்ணம் தூக்கல்தான்.கேந்திர சுக்கிரன் கெடுதல் செய்வார்னு புலிப்பாணி ஜோதிடத்துல விளக்கமா சொல்லியிருக்கார் சித்தர்.

துலாம் லக்கினத்துக்கு சூரியன்.ஆட்சி பெர்றால் அவ்வளவுதான்.திசா புத்தி வந்தா படுத்தி எடுத்துருவார்.இவங்களுக்கு 7ல் சூரியன் உச்சம் பெற்றால்..?பணக்கார மனைவி அமையும்.ஆனா 10 பைசாவுக்கு இவரை மதிக்காது.லாரியில சீர் கொண்டு வந்திருக்கே..? எப்படி மதிக்கும்?
துலாம் லக்கினத்துக்கு மூத்த சகோதரனாலோ அல்லது கள்ள உறவால்தான் சிக்கலே காத்திருக்கு.... 11 பாதகம் என்பதால் பிற பெண்களிடமோ,ஆண்களிடமோ இவர்கள் தகாத முறையில் பழகினாலே சிக்கல்தான்...நிரைய இழந்துவிடுவார்கள்...ரத்த கண்ணீர் ராதா கதையாகிவிடும்.

11 ஆம் இடமும் 11 ஆம் அதிபதியும் ஏழாம் அதிபதியோடு சம்பந்தம் பெறும்போது இரண்டாவது கல்யாணம் செய்றதுக்கு வாய்ப்பு கொடுக்கும் என்பது உண்மை.ஆனா இருவரில் ஒருவர் ஆட்சி உச்சம் பெற்றிருந்தா வெச்சிருக்குறதோடு சரி.கெட்டிமேளம் வரை போகாது.

மகரம்  லக்கினத்துக்கு செவ்வாய் தான் எதிரி..செவ்வாய் கெட்டுட்டா நிலைமை மாறுமா.சரியா போச்சு.கெட்டு போற இடம் பாருங்க..7..காலாகாலத்துல கல்யாணம் ஆகுமா.கல்யாணம் பொருத்தம் பார்க்க கூட ஜாதகம் கிடைக்காம கல்யாண மாலை இணையத்துல பழியா கிடக்கணும்.தமிழ் மேட்ரிமொனி எவ்வளவு கேட்டாலும் கொடுத்துட்டு காத்திருக்கணும்.

சரி லக்கினத்தில் செவ்வாய் உச்சம் அடைந்தால்?

நாலு ஊர்ல நிலம்,தோப்பு இருக்கும்.ஆனா அதன் பலனை அனுபவிக்க முடியுமான்னா ம்ஹீம்.சொத்தை விற்கவும் முடியாம.,அதை பராமரிக்கவும் முடியாம திணறனும்.இவர் பெயரில் சொத்து உண்டுகைக்கெட்டினது வாய்க்கு எட்டாது...அவ்வளவுதான்.

புலிப்பாணி ஜோதிடம் 300 ;

சூடப்பா சரராசி செனித்த பேர்க்கு
சுகமில்லை லாபாதி பதியினாலே
ஆடப்பா அகம் பொருளும் நிலமும் சேதம்
அப்பனே அரசரிட தோசமுண்டாம்
தேடப்பா திரவியமு மளித்தரானால்
திடமான அரிட்டமடா தேடமாட்டான்
வீடப்பா கோணத்திலிருக்க நன்று
விளம்பினேன் புலிப்பாணி வினையை ப்பாரே


 ஸ்திர ராசிகளான...ரிசபம்,சிம்மம்,விருச்சிகம்,கும்பம் பத்தி தெரிஞ்சுக்கலாம்...

 ஸ்திர ராசிகளுக்கு 9ஆம் இடம் பாதக ஸ்தானம் ஆகிவிடுகிறது 9ஆம் இடம் பாக்யம் ஆச்சே அது கெட்டா பாக்யம் எல்லாம் கெட்டுடுமே...சமூகத்தில் நல்ல புகழ் கிடைக்காதே ..நல்ல குழந்தைகள்,மனைவி,கணவன் எல்லாம் அப்போ ..அவுட்டா என்றால்,ஆமாம்....பாதகம் என்றாலே அதன்மூலம் வரும் பிரச்சினைகள் தான் சந்தோசம்,நிம்மதி யை குறிக்காது..

தந்தை மற்றும் தந்தை வழி உறவுகள் எதிரிகள் ஆவார்கள்..சமூகத்தோடு ஒத்து போக முடியாது..பணம் சம்பாதிப்பதில்தான் நாட்டம்..ஊர் எப்படி போனா எனக்கென்னா டைப் தான்..உதாரணமா கும்ப லக்னத்தான் ஊருக்கு உழைச்சே திருவோடு ஏந்திடுவான்னு சொல்லுவாங்க...எவ்வளவு நல்லது செஞ்சாலும் எவ்வ்ளவு பணம் அடிச்சானோன்னு ஊர் பேசும்..அதுல என்ன பலன் இருக்கு..வட்டிக்கு கடன் வாங்கி இவர் ஊருக்கு ஒரு பொது கிணறு தோண்ட உதவினா, பெயர் என்ன கிடைச்சது பார்த்தீங்களா..அதுதான் பாதக ஸ்தானம்...

ஏட்டிக்கு போட்டியாய்தான் கணவன்/மனைவி அமையும்...ஆசைப்பட்டு கட்டிகிட்டாலும் பத்ரகாளிதான்...7ஆம் அதிபதி உச்சம் ஆச்சு..கொஞ்ச,நஞ்ச நிம்மதியும் போச்சு.அவங்க மேலதான் நீங்க கீழேதான்..குடும்ப வாழ்க்கை நிம்மதியாக போவதில்லை..அனுசரித்துதான் போயாக வேண்டும்..இந்த லக்னத்தாருக்கு இரண்டு பையன் அல்லது இரண்டு பொண்ணு பிறந்தால் யோகம்..பையன் ஒண்ணு... பொண்ணு ஒண்ணு என பிறந்தால் துன்பம்தான்..ஒருவருக்கு சிக்கலாகிவிடும்..நிம்மதி இருக்காது.கூட்டாளிகள் இவர்களை ஏமாற்றுவார்கள்..அதனால் யாருடனும் கூட்டு சேர மாட்டார்கள்.நண்பர்களை நம்ப மாட்டார்கள் இதனால் நண்பர்கள் இவர்களுக்கு இல்லை..


மேலும் வாசிக்க"ஜோதிடம் கற்போருக்கு சில குறிப்புகள்"

Post Comment

Tuesday, 22 November 2011

எம்.ஜி.ஆர் பாலிடிக்ஸ்

ரிப்போர்ட்டர் வார இதழ் 27.11.2011

தமிழக அரசு பெரிய நிதி நெருக்கடியில் இருக்கும் நிலையில் மத்திய அரசு எந்த உதவியும் செய்யாதது முதலவரை ரொம்பவே கோபப்படுத்தியதாக சொல்கிறார்கள்.எனவே எம்.ஜி.ஆர் பாணியில் மத்திய அரசுக்கு எதிராக போராட்டம் நடத்தலாமா என்ற ஆலோசனையும் நடந்து வருகிறதாம்..

எம்.ஜி.ஆர் முதல்வராக இருந்தபோது அரிசி விலையை மத்திய அரசு உயர்த்தியது.இதனை குறைக்க கோரி எம்.ஜி.ஆர் மெரினா கடற்கரையில் உண்ணாவிரதம் இருந்தார்.அன்றைய தினம் தமிழ்கம் முழுவதும் பந்த் அறிவிக்கப்பட்டு இருந்தது.பஸ்,ஆட்டோக்கள் ஓடாத நிலையிலும் கடற்கரையில் லட்சக்கணக்கான மக்கள் குவிந்தனர்.இதே போல ஒரு போராட்டத்தை நடத்தினால் தமிழ்க அரசை தொடர்ந்து மத்திய அரசு புறக்கணித்து வருவதை மக்களிடம் கொண்டு செல்ல வாய்ப்பாக இருக்கும் என்று கூறுகிறார்களாம்’’

அதோடு இந்தியா முழுவதும் உள்ள காங்கிரஸ் அல்லாத முதல்வர்களை அணி திரட்டவும் முதல்வர் திட்டம் வைத்திருக்கிறாராம்.அவர்களை அழைத்து சென்னையில் மாநாடு நடத்தவும் திட்டம் இருக்கிறதாம்.


மேலும் வாசிக்க"எம்.ஜி.ஆர் பாலிடிக்ஸ்"

Post Comment

ஜாதகத்தில் செவ்வாய் பொது பலன்கள் -ஜோதிடம்

ஜாதகத்தில் செவ்வாய் பொது பலன்கள் -ஜோதிடம் பாகம் இரண்டு.

இதன் முதல் பாகம் படிக்காதவர்கள் இங்கு க்ளிக் செய்யவும்.

சனி பெயர்ச்சி பலன்கள் படிக்க விரும்புபவர்கள் இங்கு செல்லவும்.

ஜாதகத்தில் ராகு அமர்ந்த பலன் படிக்க இங்கு செல்லவும்

ஜாதகத்தில் சனி அமர்ந்த பலன்கள் படிக்க இங்கு செல்லவும்

ஜாதகத்தில் சுக்கிரன் அமர்ந்த பலன்கள் படிக்க இங்கு செல்லவும்.

ஜாதகத்தில் சந்திரன் படிக்க இங்கு க்ளிக் செய்யவும்

உங்கள் ஜதகத்தில் லக்கினத்தில் இருந்து எத்தனையாவது கட்டத்தில் செவ்வாய் இருக்கிறது என எண்ணி பார்த்துக் கொள்ளுங்கள்.அதன்படி 

லக்கினத்துக்கு ஐந்தில் செவ்வாய் இருந்தால்;

அரசு உத்யோகம் வரை முன்னேற வாய்ப்பு இருக்கிறது.பத்துக்குடையவன் படுத்து தூங்கினா பார்த்து சொல்லணும்.அறிவாளி.அனைத்து துறை பத்தியும் அளந்து விடுவார்.புராண இதிகாசமும் சொல்வார்.நீதி என்பார் நேர்மை என்பார்.என்னா அரசியல் என விமர்சனம் செய்வார்.உள்ளூர் கவுன்சிலர் முதல் ஒபாமா வரை காய்ச்சி எடுப்பார்.விமர்சனம் அடுத்தவங்களுக்குதான்.இவரை ஊரே விமர்சனம் செய்யும்.அன்னியோன்ய நண்பர்கள் அறவே கிடையாது.வாழ்வில் வறுமை அதிகம்.மாமன் வகை பாதிக்கும்.குழந்தை பாக்யத்தில் பிரச்சினை.

லக்கினத்துக்கு ஆறில் செவ்வாய்;

ஆறில் செவ்வாய் அடிப்படையில் நல்லது.6 மிடம் எதிரிகளை சமாளிக்கும் ஆற்றல் பத்தி சொல்லுமிடம்.அங்கு போர் வீரன் நின்னா நல்லதுதானே.எதிரிகள் இவர்களை கண்டா அலற மாட்டார்களா.கெட்டவன் செவ்வாய் கெட்டு போறது நல்லதுதான்.அவர் லக்கினத்துக்கு சுபரா இருந்து கெட்டு போனா தொந்தரவுதான்.உள்ளூரில் நல்ல பெயர் கிடைக்கும்.ஊருக்கு உழைக்கும் நல்ல மனுசன்.சகோதரன் கெடுதல் செய்வார்.அரசியல் ஈடுபாடு அநேகமா கிட்டும்.ரோசக்காரனுக்கு கடனை கொடு.ரோசம் கெட்டவனுக்கு பொண்ணை கொடு என்பார்கள்.நாணயஸ்தன்.அதனால கடனை கொடுக்கலாம்..பொண்ணை கொடுக்கலாமா..?கொஞ்சம் கொழுந்தனாருடன் சிரிச்சு பேசுனாலும்,போச்சு....தலையில் கட்டுதான்,பொண்டாட்டிக்கு.உறவுக்குள்ள உரசல் வரும்.அதே சமயம் அன்ணார் க்கு இரண்டு தாரம்.இவர் மட்டும் எப்படி.அப்படித்தான்.கட்டிக்கிறது இல்ல வெச்சுக்குறது..

ஏழில் செவ்வாய்;

செவ்வாய் தோச ஜாதகம்.அம்மா ஆடினால் அய்யா அடங்குவார்.அய்யா ஆடுனால் அம்மா அடங்குவார்.நான் அரசியல் பேசலை.7ல் செவ்வாய் இருக்குற,புருசன் பொஞ்சாதி பத்தி சொல்ரேன்.கல்யாணம் செய்வதற்குள் நாக்கு தள்ளிவிடும்.அந்தளவு அலசி ஆராய்ஞ்சுடுவார்.நரை விழுந்த பின் அவசர அவசரமா கட்டிக்குவார்.ஒரு வழியா அம்மணி வந்து சேர்ந்தாலும் அய்யா பார்வை அடுத்தாத்து அம்புஜம் மேலதான்.சொத்துக்கள்,நிலம் சம்பந்தமான வில்லங்கங்கள் எப்போதும் தொடரும்.பஞ்சாயத்துக்கு ஒவ்வொரு ஆலமரமா ஓடுவார்.காம கதைகள் நிறைய இவரை சுத்தும்.எல்லாம் உண்மைதான்.

எட்டில் செவ்வாய்;

செவ்வாய் தோசம்.பெண்ணாய் இருந்தால் மாங்கல்ய தோசம் + செவ்வாய் தோசம்.சொத்து சுகங்கள் நிறைய உண்டு.ஆனா பார்வை பதியும் இடம் தப்பாகிறது.இதனால் பற்றாக்குறை தொடர் கதை.வட்டிக்கு வாங்கி நெட்டி நிமிரும்.கடனுக்கு சொத்து சுகங்கள் இழக்கவும் நேரலாம்.சீக்கிரம் திருமனம் ஆவதில் சிக்கல்.யாரை பார்த்தாலும் பிடிக்கலை.மூக்கு கோணலா இருக்கு என காலம் போகும்.வயசு போச்சேடா வரதராஜா என பின்னால் புலம்புவார்கள்.எட்டாமிடம் வாக்கு ஸ்தானத்தை பார்ப்பதால் பேச்சு அடக்குற மாதிரி ஆணவமா இருக்கும்.நான் அடங்கி போறவன் இல்லை.அடக்கிட்டு போறவன் என்பார்கள்.இதனால் உறவினர்கள் பகையாகலாம்.மூலம் வியாதி தாக்கும் வாய்ப்புண்டு.

ஒன்பதில் செவ்வாய்;

மதிப்புமிக்க மனிதர்.பட்டம் பெறும் வாய்ப்பு உண்டு.எதை செய்தாலும் லாபம் இருக்கா என பார்ப்பவர்கள்.உத்யோகம் பார்த்தால் நல்ல தொழிலாளி.சொந்த தொழில் செய்தால் நல்ல முதலாளி.தெய்வ பக்தி என்பது தேய்பிறை.அப்பா கூட அடிக்கடி சொல்வார் இந்த பயலை பெத்தது தப்பு.அந்தளவு அப்பாவுக்கும் மகனுக்கும் பாசம்.பிள்ளைகளால் நன்மை இல்லை.நாடு கடந்து செல்லும் வாய்ப்பு வரும்.

பத்தில் செவ்வாய்;

வருமானம் வருவதற்கும்,சொத்து சேர்க்கைக்கும் மிக சிறப்பு.துதி பாடினால் ரொம்ப பிடிக்கும்.குற்றம் சொன்னால் அந்த உறவே வேணாம் என தலை முழுகி விடுவார்.ஆதாயம் கிடைக்குதுன்னா கடல்ல இறங்கி கப்பல் தள்ளனும்னு சொன்னாலும் வந்துருவார்.பதவி வகித்தாலும் பண்ணை வீடு தோப்பு துறவுன்னு வாங்கிப்பார்.மாமனார் வீட்டில் முடிந்தளவு ஆதாயம் பார்த்துவிடுவார்.ராணுவம்,காவல்துறை போன்ற பெரும் துறைகளில் பதவி வகிக்க தகுந்தவர்.

பதினொன்றில் செவ்வாய்;

உயர்ந்த ஸ்தானத்தில் இருப்பவர்களும் இவரிடம் ஐடியா கேட்பார்கள்.உள்ளூரில் இருந்தாலும் சொல்லுக்கு மதிப்பிருக்கும்.நாட்டாமை அல்லது பண்ணையார்.நிலம் சேர்க்கை என்பது நிச்சயம் உண்டு.திரண்ட சொத்துக்கு அதிபதி.கூட பொறந்தவங்க எண்ணிக்கை கூடுதல்.கஞ்சத்தனம் இல்லாம அஞ்சாறு இருக்கும்.குறைந்த கல்வின்னாலும் நிறைந்த ஞானம்.விவசாயம் செய்தால் லாபம் உண்டு.

பனிரெண்டில் செவ்வாய்;

செவ்வாய் தோசம்.படுக்கை சுகம் பாதிக்கும்.சொத்து,சுகம் பாதிக்கும்.பெண்களாய் இருந்தால் ஏமாற்றம் நிறைந்த வாழ்க்கை.கல்யாணத்துக்கு பிறகு.மனைவி சுகம் அற்பம்.12 ஆம் இடம் கொஞ்சம் நீக்கு போக்கான இடம்.காமம் சம்பந்தம் அதிகம் உலவும் இடம்.படுக்கை ஸ்தானம் ஆச்சே.அதுல செவ்வாய் இருந்தா விரிவா சொல்ல விரும்பலை.
மேலும் வாசிக்க"ஜாதகத்தில் செவ்வாய் பொது பலன்கள் -ஜோதிடம்"

Post Comment

Monday, 21 November 2011

ஜாதகத்தில் செவ்வாய் இருக்குமிடம் பொது பலன்கள்

ஜோதிடம்;ஜாதகத்தில் செவ்வாய் இருக்குமிடம் பொது பலன்கள்;

ஜோசியம்,ராசிபலன்,கைரேகை சொல்வதும், படிப்பதும் முட்டாள்தனம் அல்ல..அதில் ஆர்வம் இருப்பவர்களுக்கு அதன் மகத்துவம் புரியும்.ஆர்வம் இல்லாதவர்களுக்கு அதன் மகத்துவத்தை புரிய வைப்பது அல்ல என் வேலை.நம்பிக்கை உள்ளவர்களுடன் என் கருத்துகளை பகிர்ந்து கொள்ளவே.நியூமராலஜி நம்பும் மக்கள், நம்பாத மக்கள் எப்படியென்றால் கடவுளை நம்பாதவர்கள் ,நம்புபவர்கள் என்ற பிரிவை போலத்தான்.எல்லா விரல்களும் ஒன்றாகவா இருக்கின்றன..? கடவுளை மறுப்பவனும்,ஜோதிடத்தை எதிர்ப்பவனும் தன்னை அறிவாளியாக காட்டிக்கொள்ளவே இதை செய்கிறார்கள்.பாவம் இந்த முட்டாள்கள்.சூரியனை பார்த்து நாய் ஊளையிடுவது போலத்தான்.உண்மையில் இதை பற்றி ஆராய்ந்து சொன்னால் பரவாயில்லை.இது பத்தி கொஞ்சம் கூட ஆராயாமல் முட்டாள்தனம் என சிரிப்பர்.பவானியில் ஒரு தி.க கட்சிக்காரர் ஜோசியத்தை பொய் என நிரூபிப்பதற்காக அதை கற்க ஆரம்பித்தார்.அதில் இருக்கும் உண்மை அறிந்து ஜோதிடம் ஒரு விஞ்ஞானம் என்பதை ஒப்புக்கொண்டார்.அது போல ஜோசியத்தை முட்டாள்தனம் என்பவர்கள் அதில் மிக அனுபவம் வாய்ந்தவர்கள் பலரை சந்தித்து விவாதம் செய்து முடிவெடுக்க வேண்டும்.ஜோதிடம்,கடவுள் நம்பிக்கை இந்த அறிவாளிகளால் குறைவதும் இல்லை.மாறாக வளரவே செய்கிறது.(செவ்வாய் பத்தி எழுத ஆரம்பிச்சதுமே கோபம் பொத்துகிட்டு வருதே)

நான் ஜோதிட பதிவு எழுதுவதாலோ,அரசியலில் ஜெயலலிதா அவர்களை ஆதரித்தும் எழுதுவதாலோ நாத்திக மற்றும் கருணாநிதி ஆதரவாளர்கள் என் வலைப்பக்க விளம்பரங்களை தொடர்ச்சியாக க்ளிக் செய்து அதாவது சுமார் தினசரி நான்கு மணி நேரம் இதற்காக நேரம் ஒதுக்கி விளம்பரம் க்ளிக் செய்து அதன் மூலம் கூகுளுக்கு சந்தேகம் எழுப்ப செய்கிறார்கள்.இதனால் என் விளம்பர வருவாய் குறையும் என்பது அவர்கள் எண்ணம்.எனக்கு இவ்வளவு எதிரிகளா...ஆச்சர்யமாக இருக்கிறது.16,17,18 ஆம் தேதிகளில் மட்டும் என் நல்ல நேரம் பக்க விளம்பரத்தை 2000 முறை க்ளிக் செய்திருக்கிறார்கள்.இதனால் கூகிள் எனக்கு விளம்பரம் தராமல் தடை செய்யும் என்பது அவர்கள் எதிர்பார்ப்பு.எனக்காக ஒருத்தன் அவன் பொழப்பை கெடுத்துகிட்டு உட்கார்ந்திருக்கானே என்பதற்காக அந்த விளம்பரத்தை நீக்கி வைக்கிறேன்.



ஜாதகத்தில் செவ்வாய்;

லக்கினத்தில் இருந்து ஒன்றில் அதாவது லக்கினத்திலேயே செவ்வாய் இருப்பின்,சுயமாக முடிவெடுத்து தன்னிஷ்டப்படி செயல்படுவார்கள்.எதுவும் வெட்டு ஒண்ணு துண்டு ரெண்டு தான்.கோபம் மலை மலையா வரும்.முகம் சுள்ளுன்னு வெடிக்கிற மாதிரி டென்சனா இருக்கும்.நாலாம் பாவத்தை செவ்வாய் பார்ப்பதால் அம்மா வுக்கு பாதிப்புதான்.மொய்க்கு மொய்தான்.நான் இந்த உதவி செய்தேன்.அவன் மறுபடி ஏனக்கும் ஏன் செய்யலை...? எதிர்பார்த்துகிட்டிருப்பார்.

இரண்டில் செவ்வாய்;

வாக்கு ஸ்தானத்தில் செவ்வாய் இருந்தா வேற என்ன.வாயில் இருந்து வரும் சொற்கள் நெருப்பாய் கொதிக்கும்.கண்கள் விஜயகாந்த் போல ரத்த சிவப்பா கொதிக்கும்.அது சூரியன் வீடா இருந்தா.சிலருக்கு கல்வி பாதிக்கும்.விரய செலவுகள் நிறைய உண்டாகும்.சகோதரனால் பாதிப்பும் உண்டு.வாயால் கெட்டான் என்பார்களே அது இவங்களுக்கும் பொருந்தும்.செவ்வாய் தோசம் உண்டு.

மூன்றில் செவ்வாய்;

எடுத்தெறிஞ்சு பேசுவதில் இவருக்கு நிகர் இல்லை.எவனா இருந்தா எனக்கென்னடா...என்றுதான் பேச ஆரம்பிப்பார்கள்.திட்டம் போட்டு கட்டம் கட்டுவதில் சூரப்புலி.மனமதன் லீலை வென்றார் உண்டோ..ஆணுக்கு வீரிய ஸ்தானம் ஆச்சே.காம கதைகள் இவர் வாழ்வில் நிறைய உண்டு.கரும்பில்லாத மன்மதன்.குழல் இல்லாத கிருஷ்ணன்.முழு ஆண்மை சக்தி இவரிடம் வெளிப்படும்.சளைக்காத செக்ஸ் உறவு இவர் பலம்.பெண்கள் வலிய வருவார்கள்.துணிச்சல்,தைரியம் இவர் முக்கிய பலம்.

நான்கில் செவ்வாய்;

நிலம்,சொத்துக்கள் நிறைய சேரும்.புதையல் யோகம் உண்டு.அம்மா இவருக்கு பாதிப்பு.இவரால் அம்மாவுக்கும் பாதிப்பு.இவர் பிறந்ததும் அவர் மார்பில் சுரக்கும் பாலும் சுரக்காது..ஆனா எப்போதும் தகராறுதான்.புருசன் பொண்டாட்டிக்குள்ள வருசத்துல பாதி நாள் யுத்தம்தான்.பணம் சேர்க்கும் வெறி எப்போதும் இருக்கும்.இருக்குமிடம் பாவரால் பார்க்கப்பட்டு அல்லது பலவீனமாய் இருப்பின் ஆரோக்கியம் கெடும்.குடியிருக்கும் வீடு எதிரிகளால் மாந்திரீகம் செய்யப்பட்டு சூன்யம் ஆக்கப்படும்.வீடு சூன்யமான இடத்தில் அமர்ந்திருக்கும்.உக்கிர தெய்வ பாதிப்பு இருக்கும்.செவ்வாய் தோசம் உண்டு.

தொடரும்.
மேலும் வாசிக்க"ஜாதகத்தில் செவ்வாய் இருக்குமிடம் பொது பலன்கள்"

Post Comment

Friday, 18 November 2011

திருநள்ளாறு சனிப் பெயர்ச்சி எப்போது..?

திருநள்ளாறு சனிப் பெயர்ச்சி எப்போது..?

திருநள்ளாறு சனிப் பெயர்ச்சி வாக்கிய பஞ்சாங்க அடிப்படையில் தான் இதுவரை கடைபிடிக்க படுகிறது.திருக்கணித பஞ்சாங்கம் துல்லியமான கணிப்பை கொண்டது.அதன்படி 15.11.2011 காலை 10.12 க்கு சனி பெயர்ச்சி ஆனாலும்,பலர் வாக்கிய பஞ்சாங்கபடி தான் சனி பெயர்ச்சியை  எதிர்பார்த்திருக்கின்றனர்.திருநள்ளாறு சனி பகவானின் முக்கியமான தலம்.சனி பகவானுடைய ப்ரீதி ஸ்தலங்களில் திருநள்ளாறுதான் அதிக பிரசித்தி பெற்ற தலமாக விளங்குகிறது.

ஏழரை சனி என்றாலும்,சனி திசை என்றாலும் திருநள்ளாறு போயிட்டு வாங்க என்பதுதான் ஜோதிடர்களின் முக்கிய பரிகாரமாக இருக்கும்.இது காலம் காலமாக பலரின் நம்பிக்கை.

ஆகவே திருநள்ளாறு தலத்தில் சனிப் பெயர்ச்சியை முன்னிட்ட சிறப்பு வழிபாடுகள் என்று நடைபெறுவதாக அறிவிக்கப்படுகிறதோ அதை திருநள்ளாறு சனிப் பெயர்ச்சி என்று குறிப்பிடுவதும் வழக்கமாகியிருக்கிறது.

பொதுவாக எல்லா ஆலயங்களிலுமே நடைபெறக்கூடிய விசேஷ வைபவங்கள்,சிறப்பு வழிபாடுகள் ஆகியவை வாக்கிய பஞ்சாங்க முறைப்படி கடைபிடிக்கப்படுவதே நீண்டகால மரபாகும்.

வாக்கிய பஞ்சாங்கபடி -நிகழும் கர வருடம்,மார்கழி மாதம்,5 ஆம் நாள் 21.12.2011 புதன்கிழமையன்று நாழிகை3 வினாடி 29க்கு சென்னை நேரப்படி காலை 7.54க்கு சனி கிரகப் பெயர்ச்சி நடைபெறுகிறது.

திருநள்ளாறு,திருக்கொள்ளிக்காடு,குச்சனூர் ,கொடுமுடி போன்ற சனி ப்ரீதி தலங்களிலும்,சனீஸ்வரனின் தனி சன்னிதி உள்ள மற்ற ஆலயங்களிலும் 21.12.2011 அன்று காலையிலிருந்து இரவு வரையிலுமாக சனிப் பெயர்ச்சியை முன்னிட்ட விசேஷ வைபவங்கள்,சிறப்பு வழிபாடுகள் பூஜைகள் நடைபெறும்.


திருக்கணிதம் பஞ்சாங்கம் துல்லியமானது.வாக்கியம் மிக பழைமையானது.என்பதையும் தெரிவித்துக் கொள்கிறேன்.
மேலும் வாசிக்க"திருநள்ளாறு சனிப் பெயர்ச்சி எப்போது..?"

Post Comment

ஜாதகத்தில் சந்திரன் - பொது பலன்கள் -ஜோதிடம்; பாகம் 2

ஜாதகத்தில் சந்திரன் - பொது பலன்கள் -ஜோதிடம்; பாகம் 2

இதன் முதல் பகுதியை படிக்காதவர்கள் இங்கு செல்லவும்.

ஜாதகத்தில் லக்கினத்தில் இருந்து 7 வது கட்டத்தில் சந்திரன் இருந்தால்;

அழகு மனைவி பாக்யமாக அமையும்.(சந்திரன் லக்கினத்துக்கு 6க்குடையவ்,எட்டுக்குடையவனாக இருப்பின் மற்றவர்கள் பழிக்கும் அழகில்லா மனைவி)வசதியான இடத்தில் சம்பந்தம் உண்டாகும்.மாமியார் ஒத்துழைப்புடன் பல வசதி வாய்ப்புகள் கிடைக்கும்.மனைவிக்கு மரியாதை கொடுப்பவர்.உரல் போறது தெரியாது.ஊசிக்குத்தான் ஊரைக் கூட்டுவார்.உயர்ந்தவர்களோடு உறவை ஏற்படுத்திக்கொள்வார்.ஆனால் போக எண்ணம் அதாங்க காம எண்ணம் 80 வயது வரை போகாது.மன்மத ராசா தான்.பிள்ளை இல்லாத வீட்டில் கிழவன் துள்ளி விளையாடிய கதைதான்.

எட்டில் சந்திரன்;

சந்திரன் மறைஞ்சிட்டா என்னாகும்..? உடல்காரகன் ஆச்சே.மெலிந்த தேகம்..என்ன சாப்பிட்டாலும் தேறாது...பீர் குடிச்சும் பார்த்துட்டேன்.புரட்டீன் பவுடர் சாப்பிட்டு பார்த்துட்டேன்...ம்ஹீம்..உடம்பு தேறவே இல்லை என சிலர் அலுத்துக்கொள்வர்.சதா சர்வ காலமும் ஏதாவது வியாதியால் துன்பபடுவர்.முக்கியமாக ஆஸ்துமா,சளி..காய்ச்சல்...

உப்பு பெறாத விசயத்திலும் தப்பு கண்டுபிடித்து சண்டை போடுவார்.பொறாமை குணம் ஜாஸ்தி..நம்மால முடியலையேன்னுதான்.அம்மா காரகன் கெட்டா அம்மாவுக்கும் கெடுதலே.சின்ன வயசுலியே அவங்களை இழந்துடலாம்.அல்லது அவர்களை பிரிந்தே வாழலாம்.

ஒன்பதில் சந்திரன்;

பக்திமான்.கோயில் குளத்தை சுத்தம் செய்தல்,கோயில் குளத்துக்கு அள்ளி கொடுத்தல்,கோயில் குளத்தின் மீது அக்கறை இவர்களுக்கு அதிகம்.எதிரியும் கஷ்டமா இருக்குன்னு கண் கலங்கினா இவரும் கண் கலங்கிடுவார்.பாக்கெட்ல எவ்ளோ இருந்தாலும் அள்ளி கொடுத்துட்டு தான் மறு வேலை.மாதா,பிதா,குரு,தெய்வம் ஒன்றாக பாவிக்க கூடியர்,சித்தர்களும் இவர்களுக்கு காட்சியளிப்பர்.திருப்பதி பெருமாள் வரத்தால் பிறந்தவர்கள்.வருடம் இருமுறையாவது அங்கு சென்று வந்தால்தான் நிம்மதி.அம்பாள் என்றால் உருகுவர்.எல்லா ஆன்மீக பயணமும் மேற்க்கொள்வர்.தந்தைக்கு பாதிப்பு.தாய் வழி,தந்தை வழி சொந்தங்கள் உதவாது.சுக போக வாழ்க்கை உண்டு.

பத்தில் சந்திரன்;

கைராசி டாக்டர் பலரை பார்த்திருக்கிறேன்.மருத்துவம்,சித்தா,முறையாக பயின்றால் 3ல் குரு இருப்பின் பிரபல மருத்துவர்.இவர்கள் கடும் உழைப்பாளிகள்.முழு கவனம் செலுத்தி தனக்கு கொடுக்கப்பட்ட வேலைகளை செய்வர்.வசதி வாய்ப்பும் செல்வ வளமும் ஏராளமாக அமையும்.ஆன்மீகத்தில் அதிக நாட்டம் உண்டு.பெண்கள் மூலம் அதிக ஆதாயம் உண்டு.டாக்டராக இருந்தாலும் பெண் கஷ்டமர் உண்டு.லேடீஸ் டெய்லரா இருந்தாலும் பெண் வருமானம் உண்டு.பெண் வழி சொத்து உண்டு.கையெழுத்து போடுறது வீட்டுக்கார அம்மணிதான்.அட..மனைவிக்கு தான் அந்த யோகம்னு சொல்ரேன்.

பதினொன்றில் சந்திரன்;

சர லக்னத்தை சேர்ந்தவங்களுக்கு பாதக ஸ்தானம் ஆனாலும் சங்கடம் இல்லை.வியாபாரமே சிறப்பு.பெரும்பாலானவர்கள் முதலாளி அந்தஸ்தை பெற்றிருப்பார்கள்.தீர்க்க தரிசன செயல்பாடு.கடல் கடந்து செல்லவும்,அயலூருக்கு போய் ஆதாயம் தேடவும் வாய்ப்புண்டு.கால்நடை விருத்தி உண்டு.

பனிரெண்டில் சந்திரன்;

அன்பு,கருணை,இரக்கம்,தயாள குணம் என்பதையெல்லாம் மறந்து கடின மனம் கொண்டவர்களாக மாறுவர்.இந்த சந்திரனை பாவ கிரகங்கள் பார்த்தால் அங்க குறைபாடும் உண்டாகும்.பணக்க ஷ்டம் வந்து கொண்டே இருக்கும்.பணம் தங்குவதில்லை.மந்திரம்,தந்திரம்,எந்திரம் என மனம் அலைபாயும்.செய்வினை செய்ய போகிறேன்,எனக்கு செய்வினை வெச்சிட்டாங்க என்பார்.எப்போதும் டென்சன் பார்ட்டி.
மேலும் வாசிக்க"ஜாதகத்தில் சந்திரன் - பொது பலன்கள் -ஜோதிடம்; பாகம் 2"

Post Comment

Thursday, 17 November 2011

எம்.ஜி.ஆர் -கருணாநிதி உண்மை கதை

எம்.ஜி.ஆர் -கருணாநிதி உண்மை கதை


எம்.ஜி.ஆர் தி.மு.க வை விட்டு பிரிந்து சென்று தனிக்கட்சி தொடங்கினார்.அவர் பிரிந்து சென்ற பின் எம்.ஜி.ஆர் எனும் மகா சக்திக்கு முன்னால் அரசியல் செய்ய முடியாமல் தவித்த கதையும்,எம்,ஜி,ஆர் மறைவுக்கு பின்னரே அவரால் மறுபடி ஆட்சியை பிடிக்க முடிந்ததும் நாடே அறியும்.எம்.ஜி.ஆர் ஆட்சி செய்தபோது கருணாநிதி அவருக்கு எதிராக செய்த அரசியல் சிறிதும் நாகரீகமில்லாதவை.தன் கட்சி பேச்சாளர்கள் எம்.ஜி.ஆரை குழந்தை பெற முடியாதவர்,அட்டைக்கத்தி வீரன்,மலையாளி என கேவலபடுத்திய போதெல்லாம் அதை தடுக்காமல் ரசித்தவர்.இவரே அதைவிட மோசமாக பேசியும் இருக்கிறார்.தன் மு.க.முத்துவை எம்.ஜி.ஆர் போல வேசம் அணிய செய்து நடிக்க வைத்தால் எம்.ஜி.ஆர் செல்வாக்கை குலைத்து விடலாம் என்றெல்லாம் நினைத்தார் என்றால் எந்தளவு எம்.ஜி.ஆரை கண்டு நடுங்கியிருப்பார்..?

இந்திய மாநிலங்கள் சட்டசபை களை 90க்கும் மேற்பட்ட முறை பல்வேறு காரணங்களால் கலைக்கப்பட்டுள்ளது.அவற்றில் 66 முறை இந்திராகாந்தியே கலைத்தார்.எம்.ஜி.ஆர் முதன்முறையாக முதல்வர் பொறுப்பேற்ற 1977 முதல் ஆட்சி செய்த்போது இந்திரா துணையுடன் கருணாநிதி எம்ஜி.ஆர் ஆட்சியை 79ல் கலைத்தார்.சட்டம் ஒழுங்கு காரணம் சொல்லப்பட்டது.பாராளும்னற தேர்தலில் வெற்றி பெற்ற மிதப்பில் கருணாநிதி இந்த தவறை செய்தார்.ஆனால் எம்.ஜி.ஆர் மீது அனுதாப அலை வீசி இரண்டாம் முறையாக அவரே மீண்டும் முதல்வர் ஆனார்.

80 முதல் 84 ஆம் ஆண்டு வரை ஆட்சி செய்த எம்.ஜி.ஆர் பாராளுமன்ற தேர்தல் வருவதால் இரண்டு தேர்தலையும் ஒன்றாக நடத்த முடிவு செய்து,ராஜினாமா செய்தார்.இதனால் பாராளும்னற தேர்தலிலும் சட்ட சபை தேர்தலிலும் அவரே அமோக வெற்றி பெற்றார்.காங்கிரசுக்கு நிபந்தனை அற்ற ஆதரவு கொடுத்து மத்தியில் ஆட்சி அமைக்க உதவி செய்தார்.

84 முதல் 87  வரை பெரும்பாலும் உடல்நலக்குறைவால் அவதிபட்ட எம்.ஜி.ஆர் ஜனவரியில் மறைந்தபோது,ஜா அணி,ஜெ அணி என அ.தி.மு.க பிளவுபட்டு ,சோதனைகளை சந்தித்தது.

இடையில் எம்.ஜி.ஆர் ஆட்சிக்காலம் கருணாநிதி கட்சியை சமாளிக்கவே நேரம் சரியாக இருந்தது.அந்தளவு போராட்டம்,ஆர்ப்பாட்டம் என கருணாநிதி எத்தனையோ இடைஞ்சல்களை கொடுத்தார்.எம்.ஜி.ஆர் அவரை சிறையில் அடைத்தும் பார்த்தார்.ஆனாலும் கருணாநிதியை அவர் மரியாதை குறைவாக பேசியதில்லை.அவ்வளவு மதிப்பு வைத்திருந்தார்.அதனால்தான் அவர் மக்கள் தலைவராக இன்றளவும் புகழப்படுகிறார்.

பொதுவாக சொல்வார்கள்.இன்றைக்கு ஜெயலலிதா பஸ் கட்டணத்தை உயர்த்தியபின் சொல்ல தோன்றுகிறது.ஜெயலலிதா டாக்டர் மாதிரி.தமிழ்நாடு குடிகாரன் மாதிரி.குடிகாரனை திருத்த ஜெயலலிதா எனும் முதல்வர் கசப்பு மருந்தும்,ஊசியும் போட்டு குணப்படுத்த நினைப்பார்.ஆனால் கருணாநிதி இலவச திட்டம்,சம்பள உயர்வு என குடிகாரனுக்கு சாராயத்தை ஊத்திகொடுத்து அவனை சுய நினைவு இல்லாமலே வைத்திருப்பார்.டாக்டர் நோயாளியை பாதி குணமாக்கி வைத்தால் ,கூடா நட்பு அதை முழுவதுமாக கெடுத்துவிடுகிறது.சென்ற முறை தமிழ்க அரசின் பாதிக்கடனை அடைத்தார்.அடுத்த முறை வந்த கருணாநிதி இன்று பல ஆயிரம் கோடி கடனை தமிழ்க அரசு தலையில் கட்டி விட்டு போயிருக்கிறார்.அதை க்சப்பு மருந்து கொடுத்து கொஞ்சம் கொஞ்சமாகத்தான் சரி செய்ய வேண்டும்.ஜெ.நல்ல நிர்வாகத்தை கொண்டு வர அந்த கசப்பு மருந்தைதான் மீண்டும் கையில் எடுத்திருக்கிறார்.

மேலும் வாசிக்க"எம்.ஜி.ஆர் -கருணாநிதி உண்மை கதை"

Post Comment

சனி பரிகார கோயில்-திருக்கொள்ளிக்காடு

சனி பரிகார கோயில்-திருக்கொள்ளிக்காடு

தென் தமிழ்கத்தில் திருவாரூர் மாவட்டத்தில் திருத்துறைப்பூண்டி வட்டத்தில் திருக்கொள்ளிக்காடு தலம் அமைந்துள்ளது.இறைவன் பெயர் ஸ்ரீஅக்னீஸ்வரர்.

அரிச்சந்திர மகாராஜா சனியின் பிடியில் சிக்கி தவித்த போது அளவு கடந்த சோதனைகளையும்,வேதனைகளையும் அடைந்து இறுதியில் இத்தலத்திற்கு வந்து வழிபட்டு துன்பங்கள் நீங்கிப் பேறு பெற்றதாக கூறப்படுகிறது..

ரயிலில் செல்ல வேண்டுமென்றால் திருவாரூர் -திருத்துறைப்பூண்டி ரயில் மார்க்கத்தில் இடையில் உள்ள திருநெல்லிக்காவல் ரயில் நிலையத்தில் இறங்கிக் கொண்டு அங்கிருந்து மேற்கே 6 கிலோ மீட்டர் தூரம் ஆட்டோ அல்லது திருக்கொள்ளிக்காடு செல்லும் பேருந்து மூலம் இத்தலத்திற்கு போகலாம்.



இத்தலத்து இறைவனருளால் சனிதோஷம் நீங்கப் பெற்ற திரிபுவனசக்கரவர்த்தி, தானமாகத் தந்த 120 ஏக்கர் நன்செய் (கோயிலை சுற்றி) இன்று கோயில் நிர்வாகத்தில் உள்ளது.
மேலும் வாசிக்க"சனி பரிகார கோயில்-திருக்கொள்ளிக்காடு"

Post Comment

Tuesday, 15 November 2011

இன்று சனி பெயர்ச்சி ..புதிய மாற்றங்கள் நடக்குமா..?

இன்று சனி பெயர்ச்சி ..புதிய மாற்றங்கள் நடக்குமா..?

திருக்கணிதம் பஞ்சாங்கப்படி,15.11.2011 காலை 10 மணியளவில் சனிபகவான் கன்னி ராசியில் இருந்து துலாம் ராசிக்கு பெயர்ச்சியாகிறார்...

மேசம்ராசி,ரிசபம்,மிதுனம்,கடகம்,சிம்மம்,தனுசு,மகரம்,கும்பம்,ராசியினருக்கு அதிக பாதிப்பில்லை.

சிம்மம் ராசிக்கு ஏழரை சனி முடிகிறது..!!

கன்னி ராசிக்கு ஏழரை சனியில் ஜென்ம சனி முடிகிறது..

துலாம் ராசிக்கு ஜென்ம சனி தொடங்குகிறது...

விருச்சிகம் ராசிக்கு ஏழரை சனி தொடங்குகிறது...

கும்பம் ராசிக்கு அஷ்டம சனி விலகுகிறது...

மீனம் ராசிக்கு அஷ்டம சனி தொடங்குகிறது...

பாதிப்பான ராசிக்காரர்கள் இன்று சனிபகவானுக்கு ஏள் தீபம் ஏற்றி,ஊனமுற்றோர்க்கு உதவிகள் செய்யுங்கள்...ஊனமுற்ற குழந்தைகளுக்கு பரிசுகள் வழங்குங்கள்...ஆஞ்சநேயர்,வினாயகர் ஆலயம் சென்று வழிபட்டு வாருங்கள்.காகத்திற்கு அன்னம் வைத்து வணங்குங்கள்.முன்னோர் ஆசியால் உங்கலுக்கு வரப்போகும் சோதனைகள் தலைக்கு வந்தது தலைப்பாகையோடு போனது போல மறைய நானும் பிரார்த்திக்கின்றேன்.தன்னம்பிக்கை இழக்காதீர்கள்.கடுமையான உழைப்பு உடையோரை சனிபகவான் அதிகம் துன்புறுத்துவதில்லை.முடங்கியவர்களுக்கு சனி பரம எதிரி.ஆகவே கடுமையாக உழையுங்கள்.சனி பகவான் மீது சாக்கு போக்கு சொல்லிவிட்டு முடங்கி விடாதீர்கள்.சனி உங்களை சோதனை செய்வதே உங்களை புடம் போட்ட சொக்கத் தங்கமாக மாற்றத்தானே....!!

நீதிமான் சனி பகவான் இந்திய அரசியல்வாதிகளுக்கு கொடுக்கப்போகும் தண்டனைகள் இனி மிக கடுமையாக இருக்கும்.ஆன்மீக தலைவர் ஒருவருக்கும்,அரசியல் தலைவர் ஒருவருக்கும் இது கண்டத்தை தரப்போகும் சனி பெயர்ச்சி.ஆடம்பர பொருள்கள்,தங்கம்,வெள்ளி விலை இன்னும் உயரும்...

மேலும் வாசிக்க"இன்று சனி பெயர்ச்சி ..புதிய மாற்றங்கள் நடக்குமா..?"

Post Comment

Friday, 11 November 2011

குழந்தை ஜாதகம் பெற்றோரை பாதிக்குமா..?11.11.11

குழந்தை ஜாதகம் பெற்றோரை பாதிக்குமா..? 11.11.11

குழந்தையின் ஜாதக அமைப்பு மோசமாக இருந்தால் அது பெற்றோரையும் பாதிக்கும்.சூரியனோடு ராகு கேதுக்கள் ,லக்னாதிபதி சம்பந்தப்பட்டு இருந்தால் தந்தைக்கும்,சந்திரனோடு ராகு,கேதுக்கள் லக்னாதிபதி சம்பந்தப்பட்டு இருந்தால் தாய்க்கும் கண்டம் வரும்.குழந்தை பிறக்கும்போது கொடி சுற்றி பிறக்கும்.குழந்தை கரு பிடிக்க ஆரம்பித்த 90 நாட்கள் முதலே அதன் பலன்களை காட்ட ஆரம்பித்துவிடும்.

சூரியனுக்கு முன்னும் பின்னும் பாவ கிரகங்கள் இருந்தாலோ,சூரியன் செவ்வாயோடு கூடி 8ல் இருந்தாலோ தாய்க்கும் கண்டம்,கண்டம் என்றல் உயிர் ஆபத்து முதல் வறுமை,அவமானம்,பிரிவு வரை உண்டாக்கலாம்.6,8 க்குடையவர்கள் செவ்வாய் கூடி லக்கினத்தில் இருந்தால் கண்டம் உண்டாகும்.சந்திரன் லக்கினத்திற்கு 6ல் இருந்து சுபர் பாராமல் பாபர் பார்த்தால் ஆயுள் சொற்பமாகும்.இப்படி பல கணக்குகள் உண்டு.

குழந்தையின் ஜாதகத்தில் லக்கினாதிபதி உச்சம் அல்லது கேந்திரம் பெற்று இருந்தால் அல்லது லக்கினத்தை சுபர் பார்த்தால் நல்லது.குழந்தைக்கு ஆயுள் பலம் உண்டாகும்.குழந்தை வளர வளர குடும்பமும் சிறப்படையும்.

‘’அறிந்த லக்கினத்தாதிபன் உச்சமே
செறிந்து கேந்திரம் சேர்ந்து நல்லோருடன்
உறைந்து தூயர் உறைமனை உற்றிட
நிறைந்த சீவன் பெறுவது நிச்சயம்’’

சில சமயம் குழந்தை தாயின் கர்ப்பவாசத்திலேயே இறந்திருக்கும்.5ஆமிடம் அல்லது 5க்கு 5ஆமிடமாகிய 9ல் செவ்வாய் இருந்து அதை சனி பார்த்து சனி திசை நடந்திருந்தால் கர்மாதிபதியுடன் சம்பந்தப்பட்டு 10க்குரிய கர்மாதிபதி திசை நடந்தாலோ இவ்வாறு கர்ப்பத்தில் உயிர் நீங்கி குழந்தை பிறக்கும்.

----தொடரும்-----

மேலும் வாசிக்க"குழந்தை ஜாதகம் பெற்றோரை பாதிக்குமா..?11.11.11"

Post Comment

Thursday, 10 November 2011

ஜோதிடம்;ஜாதகத்தில் சந்திரன் பொது பலன்கள் astrology

ஜோதிடம்;ஜாதகத்தில் சந்திரன் பொது பலன்கள்;astrology future

இன்று பெளர்ணமி என்பதால் சந்திரன் பற்றி எழுதலாம் என்ற் ஆசையில் இந்த பதிவு.சந்திரன் பத்தி எழுதினா அப்போ அதன் காரகத்துவமான காதல்,காமம் எல்லாம் எழுதுவீங்களா..என ஆர்வமுடன் படிக்க வந்தீங்களா.சந்திரனுக்கு இன்னொரு காரகத்துவமும் உண்டு.அம்மா...அட..அரசியல் இல்லைங்க.. பெற்ற தாயை சொன்னேன்.அன்பு என்பதற்கும்,காதல் என்பதற்கும் மட்டும்தான் சந்திரன்..அதுக்கு மேல் பலான மேட்டர்ல ஆர்வம் உண்டாவதற்கு மற்ற கிரகங்கள் சம்பந்தம்தான் காரணம்.


ஜாதகத்தில் லக்கினத்தில் சந்திரன் இருந்தா உடனே காதல் கல்யாணம் தான் செய்வ..என்று பல ஜோதிடர்கள் சொல்லி விடுகிறார்கள்..ஏற்கனவே நான் சொல்லியபடி இரண்டாமிடமும்,7 மிடமும்,7க்குடையவனையும்,சுக்கிரனையும் பார்த்துதான் இறுதி முடிவுக்கு வரமுடியும்.

சந்திரன் ஆதிபத்தியம் எதுவானாலும் பரவாயில்லை.பலன்கள் சிறந்து விளங்கும்.ஒரு ஜாதகத்தில் சூரியனும்,சந்திரனும் நல்லா அமைஞ்சிட்டாலே சிறப்புதாங்க..காரணம் இவங்க தானே தாயும் தந்தையும்.சிவன்,பார்வதி மாதிரி.இன்னும் சொல்ல போனா,சூரியன் என்பது ஆத்மா.சந்திரன் என்பது மனம் மற்றும் உடல்.அப்போ இவங்க எவ்வளவு முக்கியம்..?

நீங்க வளர்பிறையில் பிறந்தீர்களா..? தேய்பிறையில் பிறந்தீர்களா..? இரண்டுக்கும் நிறைய வித்தியாசம் இருக்கு.தேய்பிறைன்னா சஞ்சலம் அதிகம்.பயம் அதிகம்.பெளர்ணமி,அமாவாசையில் பிறந்திருந்தா அதுக்கு ஒரு பலன் இருக்கு.அமாவாசையில் பிறந்தவன் திருடன் என்பார்கள்.அது உண்மையில்லை.அன்று பிறந்தவன் தப்பு செய்தா சுலபத்தில் கண்டுபிடிக்க முடியாது என்று மட்டும் சாஸ்திரம் சொல்கிறது.பெளர்ணமி..?வாழ்வில் இருட்டே இல்லை.வெளிச்சம்தான்.என சொல்லலாம்.பெண்ணா இருந்தா விசேஷம்.

லக்கினத்தில் சந்திரன் இருப்பின் அறிவாற்றல் உடையவர்கள்.வளர்பிறை சந்திரன்னா முகராசி.தேய்பிறைன்னா பிடிவாதம் அதிகம்.எல்லாமே இவங்களுக்கு பிடிச்சமாதிரி இருக்கணும்.

இரண்டில் சந்திரன்;பணம் தாராளமா வந்து சேரும்.இவர்கள் பேச்சை கேட்டுகிட்டே இருக்கலாம் போல இருக்கும்.அழகா சிலர் பாடவும் செய்வாங்க..என் அத்தை ஒருவர் சினிமா பாடல் எல்லாம் அத்துபடி.வேலை செய்துகொண்டே பாடிக்கொண்டே இருப்பார்கள்.சுசீலா அம்மா வந்துட்டாங்க என அந்த தெருவில் கிண்டல் அடிப்பர்.குருவும் பார்த்தா இன்னும் சூப்பர் வாய்ஸ்.கடன் வாங்கினா சிலர் ,அசிங்கபடுவார்கள்.ஆனா இவங்களுக்கு கடன் கொடுக்குறதை கூட கொடுப்பவர்கள் அன்பா கொடுப்பாங்களாம்.கடகராசியினர் சுலபமா மத்தவங்க கிட்ட கடன் வாங்குவாங்களே.அது மாதிரிதான்.

3 ல் சந்திரன்;எதையும் நிலையாக செய்யும் பழக்கம் கிடையாது.மனைவி பேச்சே வேதம்.உடல் சீக்கிரம் குண்டாகிவிடும்.இவருக்கு பின் பிறந்தது பெண்ணாக இருந்தால் பாதிப்புதான்.எதிரிகளை உண்டு இல்லைன்னு ஆக்கிடுவார்.

4ல் சந்திரன்;வீடு,மனை யோகம் பெற்றவர்.அழகா பேசுவார்.பொண்ணுககிட்ட இவரோட நளினம் இருக்கே அப்பப்பா காண கண்கோடி வேண்டும்.அவ்ளோ அழகா கரெக்ட் பண்ணிடுவார்.தேய்பிறை சந்திரன்னா உடல் ஆரோக்கியத்தில் கவனம் தேவை..ஆஸ்துமா,சர்க்கரை அபாயம் உண்டு.

5ல் சந்திரன்;சார் நான் உங்களை காதலிக்கிறேன் என தினம் ஒரு பொண்ணுகிட்ட இருந்து லெட்டர் வந்தா..எப்படியிருக்கும்..? அப்படி நடக்குமா..? ஏன் நடக்காது..? 5 ல் சந்திரன் இருப்பவர்களை காதல் துரத்தும்.ஆண்? பெண் இருவருக்குமேதான்.வசியம் மிக அதிகம்.ஆன்மீகத்தில் அதிக நாட்டம்.தேவியின் அருள் பெற்றவர்கள்.அடிக்கடி ஆன்மீக பயணம் மேற்கொள்வார்கள்.கல்வி குறைவா இருந்தாலும் அனுபவம் மிக அதிகம்.

6ல் சந்திரன்;சந்திரன் மறைஞ்சிட்டா புத்தி மறைஞ்சிடாது..? உடல் ஆரோக்கியம்..? எல்லாம் பாதிக்கும் எப்பொ இருந்து..? மோசமான திசா புத்தி வரும்போதெல்லாம்..? ராகு திசையில் சனி,செவ்வாய்,சந்திரன்,சூரியன்,கேது புத்தி வரும்போதெல்லாம் பாதிப்பு அதிகம் அறுவை சிகிச்சை,விபத்து வரை போகும்.சனி திசை,கேது,சூரியன்,செவ்வாய் திசையிலும் இதே நிலைதான்.லக்கினத்துக்கு 4 ஆம் இடம்,4 ஆம் அதிபதிபதி பாதித்து இருந்தால் இன்னும் மோசம்.மேலும் கடன் ஏற்படவும் வாய்ப்புண்டு.

இவர்களுக்கு ஒரு செய்தி கிடைத்தால் அதை ஊரெல்லாம் பரப்பி விடுவார்கள்.ரேடியொ மாதிரி.

--------------தொடரும்

மேலும் வாசிக்க"ஜோதிடம்;ஜாதகத்தில் சந்திரன் பொது பலன்கள் astrology"

Post Comment

Wednesday, 9 November 2011

உங்களுக்கு எத்தனை மனைவி..? ஜோசியம் சொல்கிறது 18+

உங்களுக்கு எத்தனை மனைவி..? ஜோசியம் சொல்கிறது-நல்ல நேரம் சதீஷ்குமார்

(ஃபேஸ்புக்,டிவிட்டர்,கூகிள் பஷ் -ல் என்னை கலாய்ப்பவர்கள் பதிவை முழுமையாக படித்துவிடவும்.)

ஜோதிடம் எத்தனையோ ரகசியங்களை சொல்கிறது.வெறும் ராசிபலன் படிப்பது மட்டுமே ஜோசியம் என நினைப்பவர்கள்,மேற்க்கொண்டு படிக்க வேண்டாம்.ஜோதிடத்தின் மீது நம்பிக்கையும்,ஆர்வமும் இருப்பவர்கள் தொடரவும்.

’’தன்னூரல் நின்றுவிட்டால் தாமிரமும் தங்கமாகும்.
பெண்போகம் நீக்கிவிட்டால் தங்கத்திற்கினை அங்கமாகும்.’’

(தாமிரம் -செம்பு.தன்னூரல்;களிம்பு ஊறுவது)

-சித்தர்கள் சொன்னது.


களத்திர ஸ்தானம் எனப்படும் லக்கினத்தில் இருந்து 7ஆம் இடத்தில் எத்தனை கிரகங்கள் நிற்கிறதோ,களத்திரகாரகன் எத்தனை கிரகங்களுடன் சேர்ந்திருக்கிறதோ அத்தனை,களத்திர ஸ்தானத்தை எத்தனை கிரகம் பார்வை யிடுகிறதோ அத்தனை மனைவி/கணவன் என ஜோதிடம் மூல நூல்கள் சொல்கிறது.

இன்னும் சில விளக்கம்;

7 ஆம் அதிபதியாக வருகிற கிரகம் 6,8,12 ல் இருந்து எத்தனை பேர் பார்க்கிறார்களோ அத்தனை களத்திரம்.

7 ஆம் அதிபதி 11 ல் இருந்து எத்தனை கிரகங்களோடு சம்பந்தம் பெறுகிறதோ அத்தனை களத்திரம்.

களத்திரம் என்றால் என்ன..?

மூன்று தேவர்களும்,முப்பத்து முக்கோடி தேவர்க்லளும்,நாற்பத்தி எண்ணாயிரம் ரிஷிமார்களும் பூமாரி பொழிய,அம்மி மிதித்து,அருந்ததி பார்த்து,உற்றார் உறவினர் நண்பர்கள் முன்னிலையில் தாலிக்கயிறு கட்டும் சடங்கால் வருவதா..?

அதானே..?

இல்லை.காதல் திருமணம் என்ற பெயரில் மனமொத்த இருவர் மாலை கூட மாற்றாமல் வாழ்வது கூட இல்லறம் என்கிற கணக்கில் வந்துவிடும்.அப்படி என்றால் அப்படி இப்படி பழக்கவழக்கத்தால் வரும் உறவு கூட களத்திரம் கணக்கில் வந்துவிடுமா.?

நிச்சயமாக.எத்தனை ஆண்/பெண் தொடர்பு ஒருவருக்கு உண்டாகும் என்பதுதான் கணக்கு.அது குடும்பம் நடத்துவது பற்றியோ,குழந்தை பெற்றுக்கொள்வதை பற்றியோ கணக்கில் எடுத்துக்கொள்வதில்லை.என்ன குழந்தை பாக்யம் பற்றி நான் எழுதியது குழப்பம் தருகிறதா..அது இனப்பெருக்கம் எனப்படும் இனப்பெருக்க உறுப்பின் பலம் மற்றும் பாக்கிய ஸ்தானம் கணக்கில் சேரும்.இது களத்திர ஸ்தான ஆராய்ச்சி மட்டுமே.

இதென்ன இப்படி சொல்றீங்க.அப்படி பார்த்தா பல ஜாதகருக்கு பல தார அமைப்பு இருக்குமே..? எனக்கேட்டால் உண்மை. நண்பர்கள்,கூட்டு தொழில் என பல விசயங்கள் இந்த 7ஆம் பாவம் அடிப்படையில் ஜோதிடத்தில் பார்க்கப்படுவதால் ஜாதகரின் காம எண்ணத்தை தூண்டும் கிரக சேர்க்கைகளான சுக்கிரன் -சந்திரன்,சுக்கிரன் -ராகு,சுக்கிரன் -சனி,சுக்கிரன் -செவ்வாய் அமைப்பை வைத்து இதை கண்டறிதல் வேண்டும்.

இரண்டாம் பாவமாகிய பேச்சு ,கண் பார்வை என சொல்லப்படும் லக்கினத்தில் இரண்டாம் இடமாகிய கட்டத்தில் இந்த கிரக சேர்க்கை இருப்பின் ,சுக ஸ்தானமாகிய 4 ஆம் இடத்திலோ,7 ஆம் இடத்திலோ இந்த அமைப்பு இருப்பின் களத்திர காரகனும் பல பாவ கிரகங்களும் சேர்ந்திருப்பின் பார்ட்டி மன்மத கலைக்கு வித்தகன் என்பதில் சந்தேகமில்லை.ஆணாய் இருப்பின் வீரிய ஸ்தானம் எனும் 3 ஆமிடமும் வலு அடைய வேண்டும்.அங்கு சனி பார்வை மற்றும் சூரியன் இருக்க கூடாது.3ஆம் அதிபதி கெட்டிருக்ககூடாது.

கோயில் கும்பாபிசேகம் முஹூர்த்தம் முதல்..மாடு கன்னு போட்ட நல்ல நேரம் முதல்,விவசாயத்தில் எந்த நாளில் நடவு நட்டால் அதிக மகசூல் என்பது முதல்..  ஹோமோ செக்ஸ்,சுய இன்பம் வரை பற்றியெல்லாம் ஜோதிடத்தில் இருக்கு.அதை எழுதினா சர்ச்சை வரும்.எதுக்கு வம்பு.கோயில் சிறபங்களில் எத்தனையோ அந்த மாதிரி சிற்பங்களை பார்த்துருப்பீங்க.மிருகங்களுடன் உறவு கொண்டவனை பத்தி சொல்லி நடுங்க வைத்த ஜோசியர் எல்லாம் இருக்காங்க.இன்னும் பல அதிர்ச்சிகரமான பல உண்மைகளை பழைய ஜோதிட நூல்களில் இருக்கு.அந்த கால மன்னர்கள் கையாண்ட ஜோதிட பரிகாரங்கள் பல அதிர்ச்சி தரும்படிதான் இருக்கு.இன்னும் கைரேகை மூலமா பொண்டாட்டி எத்தனை உனக்கு தெரியுமா என கேட்டு பார்க்க வந்தவர்களை வெட்கப்பட வைத்து சொல்லும் கிராமத்து ஜோசியர்கள் அதிகம்.

இரண்டாம் மனைவி என்பது ஜாதகத்தில் 11 ஆம் இடத்தை கொண்டு பலன் சொல்கிறோம்.மனைவியுடன் ஒற்றுமை என்பதை 7 ஆம் அதிபதி வைத்து பலன் சொல்கிறோம்.7 ஆம் அதிபதி தனித்து இருந்தால் ஒரே மனைவி.வேறு பெண்களை நினைத்தாலும் அவர்களுடன் சேர்ந்து வாழ இயலாது.இரண்டாம் இடத்தில் விவகாரமான கிரகங்கள் இருந்தால் ஜாதகனுக்கு காம எண்ணங்கள் அதிகம்.காம சேட்டையும் அதிகம்.பேச்சு காமத்தை பற்றி அதிகம் இருக்கும்.ஆனா செயலில் அதாவது பெண் தொடர்பு நிரந்தரமாக எதுவும் இருக்காது.காதல்,காமம்,ஆபாசம் எல்லாம் ஜாதகத்தில் கிரகங்கள் கூட்டு சேர்க்கையால் உண்டாவது.இதை ஜாதகத்தை பார்த்தவுடன் கண்டறியலாம்.ஜாதக கட்டத்தில் அவ்வளவு விசயம் இருக்கு.

மேலும் வாசிக்க"உங்களுக்கு எத்தனை மனைவி..? ஜோசியம் சொல்கிறது 18+"

Post Comment

Tuesday, 8 November 2011

ஆண்ட்ராய்டு ஜோசியம்

ஆண்ட்ராய்டு ஜோசியம் android mobile

ஆண்ட்ராய்டு O.S பற்றி கேள்விபட்டது முதல் அந்த வசதி உள்ள ஃபோனை பயன்படுத்தி பார்க்கவேண்டும் என்ற ஆசை அதிகமாகிவிட்டது.சென்ற மாதம் சாம்சங் ஆண்ட்ராய்டு ஃபோன் ஒன்று வாங்கி பயன்படுத்த தொடங்கிவிட்டேன்.ஆண்ட்ராய்டு வசதியில் என்ன முக்கியம் என்றால் நமக்கு தேவைப்படும் அப்ளிகேசனை எல்லாம் உடனே தரவிறக்கி பயன்படுத்தலாம் என்பதுதான்.இதனால் அடிக்கடி ஆண்ட்ராய்டு மார்க்கெட்டில் நுழைந்து தேடுவது வழக்கமாகி விட்டது.

சாம்சங் பாப் ஃபோன் நான் வாங்கினேன்..ஆனால் இது பாட்டரி ரொம்ப வீக் போல இருக்கு.கொஞ்ச நேரத்தில் இணையம் உபயோகித்தால் செயல் இழந்து விடுகிறது.எல்.ஜி.P500 மாடல் ஃபோன் நன்றாக உழைப்பதாக சொல்கிறார்கள் .கவனிக்கவும்.

ஆண்ட்ராய்டு அப்ளிகேசன்கள் டவுன்லோடு செய்ய இணையத்தில் ஆண்ட்ராய்டு மார்க்கெட் என இருக்கிறது.இங்கு சென்று நம் ஃபோனுக்கு என்னென்ன மென்பொருட்கள் தேவையோ அதையெல்லாம் டவுன்லோடு செய்துகொள்ளலாம்.ஆண்ட்ராய்டு ஓ.எஸ் ல் தமிழ் வேலை செய்வதில்லை.இதற்காக தமிழா மென்பொருள்காரர்கள் அழகான தமிழ்விசை என்னும் மென்பொருள் உருவாக்கியிருக்கிறார்கள்.இதனை பயன்படுத்தி அழகாக தமிழ் டைப் செய்யலாம்.இணையத்தில் தமிழ் படிக்க ஒபேரா மினி உலாவி அவசியம்.இவை இரண்டும் ஆண்ட்ராய்டு ஃபோன் வாங்கியதும் முதலில் நிறுவ வேண்டியவை.

ஆண்ட்ராய்டு ஃபோனில் முக்கியமானவை விதவிதமான கலக்கலான அப்ளிகேசன்கள்தான்.இவை விலைக்கும்,இலவசமாகவும் கிடைக்கின்றன...இலவசம் என்பதால் சப்பை இல்லை..அதுவு பட்டையை கிளப்புகிறது.செய்திகள் படிக்க நான் நியூஸ் ஹண்ட்,தினமலர்,மாலைமலர் ஆண்ட்ராய்டு அப்ளிகேசன்கள் பயன்படுத்துகிறேன்.மிக நன்றாக இருக்கிறது.கேம்ஸ் அப்ளிகேசன்கள் விதவிதமாக இருக்கிறது.ஆங்கிலத்தில் நீங்கள் என்ன டைப் செய்து தேடினாலும் ஒரு வித்தியாசமான அளிகேசன்கள் கிடைக்கும்.உதாரணத்திற்கு news,games,fly,bird,bike,car என தேடிக்கொண்டே இருக்கலாம்..ஆண்ட்ராய்டு முகப்பு பக்கத்திலும் பிரபலமான இலவ்ச அப்ளிகேசன்கள்,பிரபலமான கட்டண அப்ளிகேசன்கள் என பிரித்து வைத்திருக்கிறார்கள்.அன்றைய டிரெண்டுக்கு ஏற்றவாறு புதிது புதிதாக அப்லோடு ஆகிக்கொண்டே இருக்கிறது.இதனால் இந்த ஓ.எஸ் வேகமாக பிரபலமாகி வருவதாக சொல்கிறார்கள்.நோக்கியா ஷோரூம்களில் எல்லாம் ஆண்ட்ராய்டு ஓ.எஸ் இருக்கா இந்த ஃபோன்ல என கேட்டு சேல்ஸ்மேன்களை மக்கள் நோகடிக்கிறார்களாம்.

நோக்கியா வில் நாம் இப்படி அப்ளிகேசன்கன்களை மாற்றிக்கொண்டிருக்க முடியாது15,000 ரூபாய்க்கு மேல் இருக்கும் ஃபோன்களில் எல்லா வசதியும் இருக்கின்றன..ஆனால் ஆண்ட்ராய்டு ஃபோன்கள் சந்தையில் 6,000 முதலே கிடைக்கின்றன...6,000 ரூபாய் மதிப்பு ஃபோனிலேயே, நமக்கு தேவையில்லாதவற்றை அழித்துவிட்டு புதிதாக டவுன்லோடு செய்துகொண்டே இருக்கலாம்...

இலவ்ச மென்பொருட்களில் டாப் ஃப்ரீ என மார்க்கெட்டில் இருப்பதை கவனித்து டவுன்லோடு செய்யுங்கள்.எல்லாமே பயனுள்ளவைதான்.கேம்ஸ் தான் அதிகம்.மொபைல் மூலம் கேம்ஸ் விளையாடுவதுதானே அதிகம்.அதனால் பொழுதுபோக்கு அப்ளிகேஷன்களில் ஆண்ட்ராய்டு தான் நெம்பர் ஒன்னாக இருக்கும்.நோக்கியா வைத்திருப்பவர்கள் இதை படித்து டென்சனாக வேண்டாம்.

எனக்கு பிடித்தவை;



இந்த பூனை நாம் பேசுவதை அப்படியே கீச்சு குரலில் திருப்பி சொல்கிறது.காலை தொட்டால் தட்டி விடுவதும்,மூக்கை தொட்டால் கீழே விழுவதும்,உடனே நாய் ஒன்று வந்து அதற்கு தண்ணீர் தெளித்து எழுப்பி விடுவதும் ,என சூப்பராக இருக்கும்.குழந்தைகளுக்கு மிகவும் பிடிக்கும்.


இணையத்தில் மிக பிரபலமான விளையாட்டு.குரோம் உலவியில் நிறைய பேர் விளையாடி இருப்பார்கள்.அதன் ஆண்ட்ராய்டு வடிவம்.இதில் 5 சீசன்கள் இருக்கின்றன..எல்லாமே கலக்கல்.



உங்கள் மொபைலில் 20/20 கிரிக்கெட் மேட்ச் விளையாட..நல்ல கேம்..


உங்கள் மொபைலில் பெரும்பாலும் இந்த அடோப் ரீடர் இருக்கலாம் இல்லையெனில் டவுன்லோடு செய்துகொள்ளுங்கள்.பொதுவாக இது போன்ற முக்கியமான அப்ளிகேசன்கள் எல்லாமே இங்கு இருக்கின்றன.அதனால் அவை கிடைப்பதில் சிரமம் இல்லை.


தமிழ் ஆங்கில தேதிகள்,நல்ல நேரம்,ராகுகாலம் தெளிவாக அப்டேட் ஆகிறது.அனைவருக்கும் பயனுள்ள அருமையான மென்பொருள்.

இது தவிர தினமலர்,மாலைமலர் தனியாக அப்ளிகேசன்கள் கொடுத்து இருக்கிறது.தமிழ் என தேடினால் கிடைக்கும்.

கலர் லைட்டுகள் என பல அப்ளிகேசன்களும்,ஃப்ளாஷ் லைட்டுகள் என சில அப்ளிகேசன்களும் இருக்கின்றன்.இவை டார்ச் லைட் போலவும்,மெழுகுவர்த்தி எரிவது போலவும் அழகாக வடிவமைத்துள்ளனர்.

வினாயகர் கோயில்;

VINAYAGAR TEMPLE,BALAJI TEMPLE எனும் பெயர்களில் கோயிலை போல செட் செய்யப்பட்ட அப்ளிகேசன்கள்.இதை ஆன் செய்தவுடன் திரை விலகும்.மங்களகரமாக அங்கே வினாயகர் அமர்ந்திருந்தார்.இனிமையாக ஒரு பக்தி பாடல்.தொட்டால் படங்கள் மாறும்.பூ தட்டை தொட்டால் பூக்கள் வினாயகருக்கு தூவப்படும்.சங்கு படத்தை தொட்டால் சங்கூதும்.ஆலயமணி இருக்கும் அதை தொட்டால் மணியடிக்கும்.இதுவும் குழந்தைகளுக்கு மிக பிடிக்கும்.

முயலை வேட்டையாடு;

ஆங்க்ரி பேர்டு போல பிரபலமானது இந்த விளையாட்டு.காட்டுக்குள் இருக்கும் முயலை வில் அம்பு வைத்து வேட்டையாடுவதுதான் இதன் ஸ்பெசல்.ஒவ்வொரு லெவலும் வித்தியாசமாக இருக்கும்.

இந்தியன் ரெயில்வே ;indian rail info app

இந்தியாவில் இருக்கும் எல்லா ஸ்டேசன்களுக்கான பதிவு செய்யப்பட்ட சீட் நிலவரம் அறிந்துகொள்ளலாம்.ரயில் புறப்படும் நேரம்,வந்து சேரும் நேரம் ,பி.என்.ஆர் விவரம் எல்லாம் சுலபமாக அறிந்துகொள்ள இயலும்

photo copy android;புகைப்படத்தை பி.டி.எஃப் கோப்பாக மாற்றும் வசதி;

நாம் ஒரு புக்கை படிக்கிறோம்.அதை ஸ்கேன் செய்து அதை பி.டி.எஃப் கோப்பாக மாற்றி நண்பர்களுக்கு மெயில் செய்வோம்.அதை இப்பொது உங்கள் ஆண்ட்ராய்டு ஃபோன் மூலமகவே செய்யலாம்.ஆச்சர்யமாக இருக்கிறதா.ஆம்.பத்து ஃபோட்டோ வரிசையாக எடுத்து இந்த அப்ளிகேசனில் கொடுத்துவிட்டால் அழகாக பி.டி.எஃப் கோப்பாக மாற்றிவிடுகிறது.

திருக்குறள்;

திருக்குறள் அழகு தமிழில் அதுவும் சுஜாதா,பரிமேழகர்,கலைஞர் கருணாநிதி மு.வ,சாலமன் பாப்பையா,ஜி.யூ போப் தெளிவுரையுடன் ஒரே அப்ளிகேசனில் படிக்க முடியும் என்பது எவ்வளவு பெரிய விசயம்.இதில் அது சாத்தியமாகி இருக்கிறது.இதை நோக்கியா செய்து தருமா.ஆண்ட்ராய்டு ஸ்பெசலே யார் வேண்டுமானாலும் அப்ளிகேசன் உருவாக்கி அதை அப்லோடு செய்யலாம்.யார் வேண்டுமானாலும் அதை டவுன்லோடு செய்துகொள்ளலாம்.இதன் மூலம் திறமையான வடிவமைப்பாளர்கள் பணம் சம்பாதிக்கமுடியும்.இதனால் வடிவமைப்பாளருக்கு இது வரப்பிரசாதம்,..ஜெயகாந்தன் சிறுகதைகளும் இதே அமைப்பில் கிடைக்கிறது.பி.டி.எஃப் ரீடர் அப்ளிகேசன்கள் எக்கசக்கமாக கிடைப்பதால் பி.டி.எஃப் கோப் மூலமாகவே படித்துக்கொள்ளலாம்...

ஒவ்வொரு அப்ளிகேசன்கள் கீழேயும் அதை உபயோகப்படுத்தியவர்கள் கமெண்ட் போட்டிருப்பார்கள்..அய்யோ வேண்டாம் சாமி..டவுன்லோடு பண்ணிடாதீங்க..இடையில விளம்பரம் போட்டே கொல்றாய்ங்க..என்கிற ரீதியில் இருக்கும் கமெண்டுகளை படித்துவிட்டு எஸ்கேப் ஆகிவிடலாம்..நல்லாருக்கு என நிறையபேர் சொல்லியிருந்தால்,அதிகம்பேர் டவுன்லோடியிருந்தால்,..நல்ல ரேங்கும் கிடைத்திருந்தால் தைரியமாக டவுன்லோடலாம்



மேலும் வாசிக்க"ஆண்ட்ராய்டு ஜோசியம்"

Post Comment

திருநள்ளாறு சனிபகவான் வரலாறு tirunallar temple history

திருநள்ளாறு சனிபகவான் வரலாறு;



திருநள்ளார் சனிஸ்வரர் ஆலயத்தில் சனிபெயர்ச்சி வாக்கிய பஞ்சாங்கப்படி,21.12.2011 ஆம் தேதி கொண்டாடப்படுகிறது.திருக்கணிதபடி சனி பெயர தொடங்கிவிட்டது 1.11.2011.முழுமையான சனி பெயர்ச்சி 15.11.2011 காலை 10.12 ஆகும்.


திருநள்ளாறு கோயிலுக்கு ஒரு காலத்தில் ஆதிபுரி என்பது பெயராகும்.அங்குள்ள சிவனை வழிபட்டு பிரம்மா பரிகாரம் பெற்றதாக ஸ்தலபுராண வரலாறு சொல்கிறது.பிரம்மதேவர் பூஜித்த சிவனுக்கு தர்ப்பாரண்யேஸ்வரர் ‘’ என்பது பெயராகும்.இங்குள்ள ஸ்தல விருட்சம் தர்ப்பை ஆகும்.

இங்குள்ள லிங்கம் சுயம்புவாக தோன்றியதாகும்.முசுகுந்த சக்கரவர்த்தி ஆண்ட காலத்தில் அந்த ஆலயத்திற்கு வந்து வழிபாடு செய்துள்ளார்.இந்த புண்ணிய ஸ்தலத்திற்கு நளவிடங்கர்’’நளேஸ்வரம்’என்று பற்பல பெயரும் உண்டு.நளமகாராஜா கலிபுருடனின் அம்சமான சனி பகவானால் பல்வேறு இடையூறுகளுக்கு ஆளாகி,இறுதியில் இக்கோயிலுக்கு வந்து நளதீர்த்தத்தில் நீராடியபின் கலி நீங்கி சகல சம்பத்துகளையும் பெற்றான்.

இங்குள்ள தர்ப்பாராண்யேஸ்வரர் விக்ரகத்தின் கீழ் சனிபகவானால் எழுதி(முனிவர்களாகவும் இருக்கலாம்)பிரதிஷ்டை செய்யப்பட்ட இயந்திரமொன்று இருக்கிறது.இதுவே இந்த திருத்தலத்தின் பரிகார மகிமைக்கு காரணமாகும்.

கலிபுருடனாகிய சனிபகவான் நளமன்னன் முன் தோன்றி,நீ என்னிடம் விரும்பும் வரத்தை கேட்டு பெற்றுக்கொள்வாயாக’’என்று கேட்க,நளன் உனது ஆட்சி நடக்கும் காலத்தில் என் வரலாற்றைக் கேட்டாரை நீ அடையாமல் இருப்பாயாக’’ என்று வேண்டினான்.இதனை நளவெண்பா ,கலி நீங்கு காண்டத்தில்,

‘’உன் சரிதம் சொல்ல உலகாளும் காலத்தும்
மின் சொரியும் வேலாய்!மிக விரும்பி-என் சரிதம்
கேட்டாரைநீயடையேல் என்றாந்கிளர்மணிப்பூண்
வாட்டானை மன்னன் மதித்து’’

என்று கூறுகிறது.எனவே சனிபகவானின் பிடியில் சிக்கியோர் அக்காலத்தில் நளமன்னனின் சரித்திரத்தை வாசிப்பது சிறந்த பரிகாரமாகும்.என அக்க்காலம் முதல் நம் பெரியோர் சொல்லி வந்திருக்கின்றனர்.இதில் உள்ள சூட்சுமம் என்னவெனில்,இவனை விட நாம் கஷ்டப்படவில்லை என தைரியம் வரும் அளவுக்கு கஷ்டத்தை நளன் பட்டதுதான்.

சனி தனது சஞ்சாரத்தின் போது ரோகிணி சாரத்தில் நுழையும்போது உலகம் பெரும் அழிவுகளை சந்திக்கும் என்றும்,போர்,வறுமை,வெள்ளம்,பசி,பட்டினி என மக்கள் துன்புறுவர் எனவும் சொல்லப்பட்டுள்ளது.

வராஹிமிரர் தனது ப்ருஹத் சம்ஹிதை நூலின் 47 வது அத்தியாயம் 14 வது சுலோகத்தில் கீழ்க்கண்டவாறு சொல்கிறார்.

’’ரோஹிணி சகடமர்க்க நந்தனோயதி
பிநத்திருதிரோ(அ)தவாசிகி!
கிம்வதாமியத நிஷ்டசாகரே
ஜகத் சேமுபயதி ஸ்ங்க்சயம்’’

இன்னொரு பாடலில் பிரளய காலத்துக்கு ஒப்பானதொரு நிலையை உலகம் சந்திக்கும்’’என்ரு கூறுகிறது.மேலும் இக்கருத்தை காஸ்யபர்,பிரம்மகுப்தர் ஆகியோரும் ஒப்புக்கொள்கின்றனர்.

சனி தன் தந்தை சூரியனை விடவும் பலமானவனாக மாற வேண்டும் என்பதற்காக காசியில் லிங்கம் பிரதிஷ்டை செய்து வழிபட்டு அதன்படி சனீஸ்வரர் என் பெயர் பெற்றார் என புராணம் சொல்கிறது.அதன்படி நாமும் காசி விஸ்வநாதரை வழிபட்டால் சனி தோசத்துக்கு சிறந்த பரிகாரமாக அமையும்.


திருநள்ளாறு சென்று அங்குள்ள தீர்த்தகட்டங்களில் முதலில் நீராட வேண்டும்.

1.பிரம்ம தீர்த்தம்
2.வாணிதீர்த்தம்
3.அன்ன தீர்த்தம்
4.அகத்திய தீர்த்தம்
5.நளதீர்த்தம்
6.நளகூப தீர்த்தம்

இதில் நீராட முடியாதவர் நள தீர்த்தத்தில் மட்டுமாவது நீராடலாம்.முதலில் குளக்கரையில் உள்ள வினாயகரை மூன்று முறை வலம் வந்து வழிபட்டு,குளத்தை உருவாக்கியோருக்கு நன்றி சொல்லிவிட்டு,தீர்த்தத்தை மூன்று முறை தலையில் தெளித்துவிட்டு,அதன்பின் கறுப்பு நிற வஸ்திரம் கட்டிக்கொண்டு,உடலில் நல்லெண்ணெய் தேய்த்துக்கொண்டு,மேற்கு பார்த்து நின்று குளிக்கலாம்.தலையில் நீலோத்பவ மலரை வைத்து மூழ்குவது இன்னும் சிறப்பு.அதன்பின் புத்தாடை அணிந்து,கறுப்பு நிற வஸ்திரங்களையும்,எள்,எள்சாதம்,முதலியவற்றை தானம் செய்வது விசேஷமாகும்.

நீராடும்போது இந்த மந்திரத்தை சொன்னால் இன்னும் விசேஷம்.

‘’அஷ்ய ஸ்ரீ சனீஸ்வர கிரஹ
மந்த்ரஷ்ய;
அகஸ்த்ய ரிஷி காயத்ரி சந்த;
சனிச்சர தேவதோ
மம கிரஹ பீடா நிவாரணார்த்தே
சனைச்சர கிரக சுப பல
சித்தியர்த்தே ஜெபே விநியோக’’

கடுமையாக நோயால் பாதிக்கப்பட்டவர்கள் கறுப்பு நிற பசுவை தானம் செய்வது சிறந்த பரிகாரம்.

ஏழரை சனி,அஷ்டம சனி,அர்த்தாஷ்டம சனி போன்றவை நடக்கும் ராசியினர் நவகிரஹ ஹோமம் வீட்டில் செய்வது நல்ல பரிகாரம்.


மேலும் வாசிக்க"திருநள்ளாறு சனிபகவான் வரலாறு tirunallar temple history"

Post Comment

Friday, 4 November 2011

ஆங்கில புத்தாண்டு ராசிபலன்கள் 2012 மகரம் future

ஆங்கில புத்தாண்டு ராசிபலன்கள் 2012 மகரம்

(உத்திராடாம் 2 ஆம்பாதம் முதல் திருவோணம்,அவிட்டம் 2 ஆம் பாதம் முடிய)

மகரம் பெண் ராசி.இதன் அதிபதியான சனி ஆணும் இல்லாத பெண்ணும் இல்லாத அலித்தன்மை கொண்ட கிரகம்.திசைகளில் தெற்கை குறிக்கும் ராசி.மனித உடலில் முழங்காலை குறிக்கும் ராசி.மண் தத்துவம் கொண்ட ராசி.இந்த ராசியில் உச்சம் பெறும் கிரகம் செவ்வாய்.நீசம் பெறும் கிரகம் குரு.

பொதுவாக இந்த ராசியில் பிறப்பவர்கள் வில்லங்கம் வீராச்சாமிகள்.எடக்கு மடக்கான செயல்பாடுகளை கொண்டவர்கள்.ஆயக்கலைகள் 64 கற்றிருந்தாலும் சுயநலம் அதிகம் காணப்படும்.(நான் யதார்த்தமா பொதுவான கருத்தை சொல்றேன்.மெதுவா சிந்திச்சு பாருங்க..அருவாளை என் பக்கம் திருப்பிடாதீங்க சாமிகளா) சகோதரர்களால் நன்மை இல்லை.தாயை பிரிந்து இருப்பது இந்த ராசியின் அடிப்படை விதி.கடன் கொடுப்பதும் வாங்குவதும் பல பிரச்சினைகளை தரும்.புகழ்ச்சிக்கு மயங்குவீர்கள்.

தன்னலவாதிகள் என ஜோதிடம் சொல்கிறது.ஆன்மீகத்தில் உயர்ந்தவர்கள்.தியானம்,யோகா,பொது தொண்டு,அன்னதானம்,கோயில் கமிட்டி இதில் இந்த ராசியினர் அதிகம் காணப்படுவர்.பொது நலம் செய்ய வசதி இருப்பினும் தன் காசை கெட்டியாக பிடித்துக்கொள்வார்கள்.இதனாலேயே உறவினர்,நண்பர்கள் வெறுப்புக்கு ஆளாவர்.. இவர்கள் அறிவாற்றலில் வல்லவர்கள்.எதையும் எளிதில் கற்றுகொள்ளும் நுண்ணறிவு படைத்தவர்கள்.நடக்குதோ நடக்கலையோ ஆசைப்படுவதில் சமர்த்தர்கள்.மலையளவு ஆசை மனதுக்குள் இருக்கும்.ஒருவனை வீழ்த்திதான் மேலே வரவேண்டும்..என்றால் வீழ்த்திட்டா போச்சு என்பது இதில் சிலருக்கு கொள்கையாக இருக்கும்.தாழ்வு மனப்பான்மை அதிகம்...எவ்வளவு வசதியிருப்பினும்...ஏழை ஆகிடுவோமோ என்ற பயமும் த்ருடன் வந்துடுவானோ என்ற பயமும் இருக்கும்.தேவையில்லா குழப்பங்கள்...தான் ஒரு ராசியில்லாத ஆளோ என நினைக்க வைக்கும்படி காரிய தடைகள் காணப்படும்.மனதை திடமாக வைத்துக்கொண்டு செயல்பட்டால் நீங்களும் ரஜினிதான்.

குரு உங்கள் ராசிக்கு நான்காம் இடத்தில் உலவுவதால் சொத்துக்கள்,உடல் ஆரோக்கியம் சம்பந்தமான பிரச்சினைகள் காணப்படும் காலமாக இது இருக்கிறது.சிலருக்கு சொத்துக்கள் விரயமும் ஆகியிருக்கலாம்...விரயம் ஆனோர்க்கு அது பரிகாரமாக நினைத்துக்கொள்ளுங்கள்.இல்லையேல் பெரிய கெட்ட செலவு வந்திருக்கும்.உங்கள் ராசிக்கு உச்ச கிரகமான செவ்வாய் கடகத்தில் இருந்து சிம்மத்துக்கு பெயர்ச்சியாகிவிட்டதால் இதுவரை இருந்து வந்த அனைத்து பயமும் உங்களை விட்டு அகலும்.தைரியமாக நீங்கள் செயல்பட வேண்டிய நேரம் வந்துவிட்டது.தொழிலில் இனி புதிய முடிவு எடுப்பீர்கள்.2012 மத்திமம் வரை சிம்ம செவ்வாய் உங்களுக்கு நற்பலன்களை வாரி வழங்க போகிறது.

உங்கள் ராசிக்கு பத்தில் சஞ்சரிக்கும் சனிபகவான் தொழிலில் ஸ்திர தன்மையை உண்டாக்குவார்.தொழில் ஸ்தானத்தில் உச்சம் பெறும் சனியால் பல நன்மைகள் உண்டாகும்.இதுவரை இருந்துவந்த அலைச்சல்,காரிய தடை நீங்கி வேகமான நடை போட வைக்கும்.பாவகிரகமான சனி கேந்திரம் பெறுவது பல நல்ல பலன்களை தருவது மட்டுமில்லாமல் உங்கள் ராசி நாதன் சனி துலாத்தில் உச்சம் பெறுவதால் உங்களுக்கு பல நன்மைகளை அள்ளிதரப்போகிறது.வருமானம் அதிகரிக்கும்.மொத்தத்தில் 2012 ஆம் வருடம் உங்களுக்கு இனிமையாகவே அமையும்.வாழ்க வளமுடன்!!
மேலும் வாசிக்க"ஆங்கில புத்தாண்டு ராசிபலன்கள் 2012 மகரம் future"

Post Comment

x

புதிய பதிவுகளை இலவசமாக ஈமெயில் பெற

Enter your email address:

Delivered by FeedBurner