Tuesday, 29 September 2020

குலதெய்வ வழிபாடு சூட்சுமம்

 குலதெய்வ வழிபாடு நம் தந்தை ,தாத்தா,அவரது தந்தை என வருடம்தோறும் அவர்கள் பார்த்து வழிபட்டு அவர்களது சக்தி ,ஆகர்ஷணம்,ஆன்ம சக்தி எல்லாம் அந்த சிலையில் ஏற்றி வைத்திருப்பர்.குலதெய்வத்தை நீங்கள் கண்களால் காணும்போதே உங்கள் கண்கள் வழியாக உங்கள் ஆன்ம சக்தி சிலையோடு கலந்து விடும்.இவ்வாறு முன்னோர் ஆன்ம சக்தி கருங்கலால் ஆன அந்த சுவாமி சிலையில் ஊடுருவி இருப்பதால் அவர்கள் காலமான பின்னரும் அதன் தெய்வீக சக்தி உங்கள் ஆன்மாவோடு கலந்து பலன் கொடுக்க உங்களை வழிநடத்த குலதெய்வத்தை அடிக்கடி காண வேண்டும் வருடம் ஒருமுறையாவது பார்த்து வர உங்கள் பிரச்சினைகளுக்கு தீர்வு கிடைக்கும்.திருப்பதி ,திருச்செந்தூர் போன்ர ஸ்தலங்களில் சித்தர்கள்,மகான்கள் ஆசி கிடைக்கிறதோ அது போல உங்கள் வம்சாவழியினர் ஆசி கிடைக்க குலதெய்வம் வழிகாட்டும்.

ஆலய கருவறையில் உள்ள கற்சிலை, பிரபஞ்ச சக்திகளை எல்லாம் ஒருங்கேப் பெற்று அதை ஆலயம் முழுவதும் பரவச் செய்து கொண்டிருப்பதை படித்து இருப்பீர்கள். அபிஷேகம் செய்யப்படும் போது மூலவர் சிலை வெளிப்படுத்தும் சக்தியானது அதாவது அருள் அலைகள் இரட்டிப்பாக உயர்ந்து விடுமாம்.
,தயிர், பால், சந்தனம், தண்ணீர் ஆகியவற்றால் அபிஷேகம் செய்யும்போது மூலவர் சிலையில் அதிக அளவில் மின் கடத்தும் திறன் ஏற்படுவதை குற்றாலம் பராசக்தி கல்லூரி ஆராய்ச்சிக் குழுவினர் சில ஆண்டுகளுக்கு முன்பு கண்டு பிடித்தனர். அபிஷேகம் செய்ய, செய்ய கருவறையில் உள்ள காற்று மண்டலத்தில் எதிர் மின்னூட்டங்கள் அதிகரிப்பதையும் கண்டு பிடித்தனர்.
அபிஷேகம் காரணமாக கருவறையில் உள்ள காற்றில் அதிக ஈரப்பதம் இருக்கும். ஈரப்பதத்தில் ஒளி வேகம் அதிகமாக இருக்கும். அதனால்தான் அபிஷேகத்தின் போதும் தீபம் காட்டும்போதும் கருவறை காற்று மண்டலம் அயனியாக்கப்பட்ட மூலக்கூறுகளுடன் வெளியில் வருகிறது. அது பக்தர்களுக்கு உள்ளத்தில் பலத்தை ஏற்படுத்துவதாக விஞ்ஞானிகள் கூறுகிறார்கள்.
திருமஞ்சனம்,பால்,தயிர்,இளநீர்,சந்தனம்,கரும்புசாறு ,பன்னீர்,விபூதி என 16 வித அபிசேக பொருட்களால் அபிசேகம் செய்து ,புது ஆடை அணிவித்து நெய்தீபம் ஏற்றி உங்கள் குலதெய்வத்தை வழிபடவும்.சர்க்கரை பொங்கல் வைத்து நைவேத்யம் செய்யவும்.சர்க்கரை பொங்கலை அங்கு வருவோர்க்கு பிரசாதமாக கொடுக்கவும்.
பெண் தெய்வமாக இருப்பின் பெளர்ணமி வழிபாடு மிக சிறப்பு.ஆண் தெய்வம் அமாவாசை நல்லது ...பெரும்பாலும் பெளர்னமி இரவில் செய்யப்படும் பூஜைக்கு அதிக வலிமை உண்டு.சித்திரா பெளர்ணமி ,வைகாசி விசாகம் ,ஆடி அமாவாசை,ஆடி வெள்ளி,ஆவணி அவிட்டம்,புரட்டாசி அமாவாசை,தை அமாவாசை ,பங்குனி உத்திரம் நாட்கள் எல்லாம் விசேசமானவை.உங்கள் ஜென்ம நட்சத்திர வழிபாடு மிக சிறப்பு.

Wednesday, 22 July 2020

ராகு கேது பெயர்ச்சி பலன்கள் 2020-2021

ராகு கேது பெயர்ச்சி பலன்கள் 2020-2021
புரட்டாசி மாதம் ராகு கேது பெயர்ச்சி ஆகிறார்கள் மிதுனம் ராசியில் இருந்து ராகு ரிசபம் ராசிக்கும் கேது தனுசு ராசியில் இருந்து விருச்சிகம் ராசிக்கும் மாறுகிறார்கள் .கொரானா அப்போது தன் முழு பலத்தை இழக்கும்.
ரிசபம் ராசிக்கு ராகு ராகு வருகிறாரே அதனால் ரிசபத்துக்கு கெடுதலா? இல்லை.ரிசபத்துக்கு இதுவரை இரண்டில் இருந்தார் அதுதான் கெடுதல்.கூடுதல் கடன்,தொழில் முடக்கம்,பண முடக்கம்,குடும்பத்தில் அமைதி குறைவு ,கண்,பல் சார்ந்த பிரச்சினை ,கொடுத்து வந்தார் இப்போது ராசிக்கு வருவதால் அதிக தைரியம் தன்னம்பிக்கை கொடுப்பார் அப்போ விருச்சிகத்துக்கு அதே பலன் தான் கேது ராசிக்கு இரண்டில் இருந்தார் குடும்ப பிரிவு அவமானம் நட்டம்,தோல்வி,பேச்சால் பகை ,கணவன் மனைவி உறவு பாதிப்பு இருந்து வந்தது இனி அமைதியும் ஞானமும் கிடைக்கும் உண்மை புலப்படும்.பிரச்சினைக்கு எது காரணம் என்பது புரிய வரும்.உடல் ஆரோக்கியம் மேம்படும்.
ராசிக்கு எட்டில்,நான்கில் ,இரண்டில், ராகு கேது வருவது சிறப்பான பலன்களை தருவதில்லை.எட்டில் ராகு வருவது விசப்பூச்சிகள் விசக்கடி கெட்டுப்போன உணவால் அரோக்கியம் கெடுதல் முறையான கணக்கு வழக்கு இல்லாது அரசாங்கத்தால் சிக்கல், லஞ்சம் வாங்கி மாட்டிக்கொள்வது, பேப்பரில் பெயர் வருவது எல்லாம் எட்டில் ராகுதான் .எட்டுல ராகு பொட்டுல அடிபடும் வாகன கண்டம் ...எனவே கூடுதல் கவனம் தேவைப்படும் ராசி துலாம் .இது வாகன ராசி என்பதால் வாகனத்தாலும் ஆண் பெண்ணாலும் அவமானம் உண்டாகும் ..மேசத்துக்கு எட்டில் கேது கணவன் அல்லது மனைவிக்கு மருத்துவ செலவினம் எட்டுல ராகு போனால் எட்டாமிடம் பாதிக்கும் உடல் உறுப்பில் எட்டாமிடம் பெண்களுக்கு கர்ப்பபை.ஆண்களுக்கு சிறுநீரகம் இருவருக்கும் பொதுவான உறுப்பு முதுகுஎலும்பின் கீழ் முடிச்சு.அதாவது இடுப்பு பகுதி.இவை சார்ந்த பகுதிகள் எட்டில் ராகு போகும்போது பாதிக்கவே செய்யும்
ராகு திசை ஜாதகத்தில் நடந்தால் பாதிப்பை தராமல் செல்லாது.உங்களுக்கு ஏற்கனவே ரிசபம் ராசியில் சனி,செவ்வாய்,சூரியன் இருப்பின் பாதகம் அதிகமாக கூடும்.எட்டுல ராகு வந்தாலும் இரண்டில் கேது வருகிறார் வருமானம் கொடுப்பார்.கேது கொஞ்சம் வெளிச்சம் தருவார்.இது கொஞ்சம் எச்சரிக்கையாக இருக்கவே சொல்லப்படுவதாகும் அரசு பதவில் இருக்கும் துலாம் ராசியினர் தொழில் துறையில் புகழ் பெற்றவர்களாக இருப்பவர்கள் கணக்கு வழக்குகளை சரியாக வெச்சுக்குங்க..அவ்ளோதான்..காடு ,நீர்நிலை ஓரங்களில் குடியிருப்போர் சுற்றுப்புறத்தை நல்லா சுத்தமா வெச்சுக்குங்க...விசப்பூச்சிகள் உங்களை பார்க்க வீடுதேடி வரும்.
மகரம் -கும்பம் எப்படி இருக்கும்..?
மகரம் ராசிக்கு ராகு 5ஆம் இடத்துக்கு வருகிறார்.ஏழரை சனியில் துவள வைத்துக்கொண்டிருக்கும் நிலையில் குருவும் ராசிக்கு ஜென்மத்திலும் விரயத்திலும் மாறி மாறி சோதனை கொடுத்து வரும் நிலையில் ராகுவும் சிறப்பான இடத்துக்கு மாறவில்லை.இதுவரை 6ல் இருந்து நன்மைகளை தந்து வந்த ராகு இப்போது பூர்வ புண்ணிய ஸ்தானம் மற்றும் குழந்தைகள் ஸ்தானத்துக்கு வருவதால் பூர்வீக இடம் சார்ந்த பிரச்சினைகளை ஏற்படுத்துவார் அத்தை மாமன் வழியில் மருத்துவ செலவினம் அவர்கள் வழி பகை ,தாத்தா சொத்து சார்ந்த பிரச்சினைகள் உண்டாக்கும் .
கும்பம் ராசிக்கு நான்கில் ராகு உடல் ஆரோக்கியத்தில் கவனம் தேவை சிலர் இடமாறுதல் அடைவர்.விடு வாஸ்து கோளாறு இருக்கும் அதை சரி செய்து கொள்வது நல்லது வீடு சம்பந்தமான வேலைகளை செய்வீர்கள் தாயாருக்கு உடல் ஆரோக்கியம் பாதிக்கும் .சிலர் சுகர் பிரசர் சம்பந்தமான சிகிச்சைக்குள் செல்ல வேண்டி இருக்கும் .வாகனத்தில் செல்கையில் கவனம் தேவை விலை உயர்ந்த பொருட்கள் தொலைவதற்கு வாய்ப்பிருப்பதால் செல்போன் மற்றும் நகைகளை கவனமாக பார்த்துக்கொள்ளவும்
இரண்டில் ராகு மேசம் ..அதிக செலவினம் பண முடக்கம் ,கோபப்பட்டு வார்த்தையை விட்டு உறவு பகை ,இது துலாம் ராசிக்கும் பொருந்தும் அவர்களுக்கு இரண்டில் கேது .
ராகு கேதுக்கள் எப்போதும் மறைவிடத்தில் நல்ல பலன்களை தருகிறது சுபர் பார்வையுடன் கேந்திரங்களில் இருக்கும்போதும் நல்ல பலன்களை தந்து விடுகிறது.
தான் அமரும் பாவத்தைக் கெடுத்து பலன்களை ராகு செய்வதைப் போல இருக்கும் வீட்டைக் கேது கெடுப்பது இல்லை. அமரும் வீட்டை பலவீனமாக்கும் அளவிற்கு அதிகமான பாபத்தன்மையும் கேதுவிற்குக் கிடையாது. ஆகவே திருமணம் மற்றும் புத்திரதோஷங்களைக் கொடுக்கக் கூடிய 2, 5, 7, 8 மிடங்களில் ராகு இருப்பது போன்று கேது கெடுபலன்களைச் செய்வது இல்லை.
ஆயினும் கேது ஒரு பாபக்கிரகம் எனும் அடிப்படையில் மேற்கண்ட பாவங்களில் கேது இருப்பது நல்லநிலை அல்ல. ராகுவைப் போல ஒரு கடுமையான தோஷத்தைக் கேதுவால் தர இயலாது என்ற அர்த்தத்தில் மட்டுமே இது சொல்லப்படுகிறது. செவ்வாயைப் போல கேது பலன் தருபவர். இதன்படி செவ்வாய் யோகம் தரும் லக்னங்களான கடகம், சிம்மம், தனுசு, மீனம் ஆகிய சூரிய, சந்திர, குருவின் லக்னங்களுக்கு சுப, சூட்சுமவலுவுடன், லக்னச்சுபர்களின் தொடர்பு இருக்கும் நிலையில் கேது மிகப்பெரிய நன்மைகளைச் செய்வார்.
ராசிக்கு 3,6,10,11,12 ல் ராகு கேதுக்கள் வரும் போது நல்ல யோகமான பலன்கள் தருகிறது இப்படி சொல்லும்போது கெட்ட பலன்களை தருவதில்லை என்றுதான் புரிந்து கொள்ள வேண்டும். மிதுனம் ராசிக்கு 12ல் ராகு நல்ல பலனை தரும்.விரய ஸ்தானம் கெடுவது நல்லது.
அஷ்டம சனியால் சிரமத்தில் இருக்கும் உங்களுக்கு ராகு கேயர்ச்சி சாதகமாகவே இருக்கிறது.தனுசு ராசிக்கு 12ல் கேது நல்ல பலன் தரும்.நல்ல அறிவாற்றல் உண்டாகும் ஆன்மீகம் பக்தியில் மனம் செல்லும்
தனுசு ராசிக்கு ராகு ஆறாம் இடத்துக்கு வந்திருக்கிறார்.ருண ரோக ஸ்தானத்துக்கு சுபர் வந்தால் கெடுதல்.பாவர் வந்தால் நல்லதுதான்.மறைவிடத்துக்கு ராகு வந்தால் யோகம் என்றுதான் ஜோதிடம் சொல்கிறது.மறைவிடத்துக்கு வரும் ராகு அற்புத பலன்களை கொடுப்பார்.
இதுவரை ஏழரை சனியால் பலவித துன்பத்தை அனுபவித்து வந்த உங்களுக்கு ராகு கேது பெயர்ச்சி ஆறுதல் தரும் விதத்தில் அமைந்திருக்கிறது.ராசிக்கு 12ல் செல்லும் கேதுவும் சிறப்பான யோகத்தை செய்கிறார்.தொழில் சிறப்படையும் வருமானம் பெருகும்
கடகம் ,கன்னி ராசிக்கு எப்படி இருக்கு..?
ராசிக்கு 11 ல் ராகு வருவது மிக சிறப்பான யோகம்.லாபத்தில் பாவ கிரகம் வருவது சேமிப்பை வலுப்படுத்தும் ஆசைகளை குறைத்து பணத்தை சேமிப்பதில் ஆர்வத்தை உண்டாக்கும்.பொறுப்பாக செயல்பட ஊக்குவிக்கும்.தொழிலுக்கு இரண்டில் ராகு வருவதால் தொழில் அபிவிருத்தி,குடும்ப ஸ்தானத்துக்கு தன ஸ்தானத்துக்கு பத்தில் ராகு வருவதால் பல வழிகளிலும் பணம் வந்து சேரும்.கடன் தீரும்.பண முடக்கம் நீங்கும்.
கன்னிராசிக்குஒன்பதாம்இடத்துக்குராகுவருகிறார்..ராகுவை பத்தி ஏன் அதிகம் பேசுகிறோம் என்றால் ராகு அந்த ஸ்தானத்தை அதிகமாக பூஸ்ட் செய்யும்.பெரும் அதிர்வை உண்டாக்கும்.தோசை போல திருப்பி போட்டு விடும்.தந்தை மகன் உறவு ஏற்கனவே நன்றாக இருந்தால் இனி நல்லாருக்காது.ஏற்கனவே தந்தை மகன் பகையாக பிரிந்து இருந்தால் இனி ஒன்று சேர்வார்கள்
தந்தை மற்றும் தந்தை வர்க்கம் கொஞ்சம் பாதிக்கும் சிலர் தந்தைக்கு மருத்துவ செலவினம் உண்டாகும்.சமூகத்தில் உறவினர் விசயங்களில் தேவையில்லாமல் தலையிடுவது வேண்டாம்.3ல் இருக்கும் கேது உங்களுக்கு பலவித நன்மைகளையும் வருமானத்தையும் கொடுக்கப்போகிறார்.
9ஆம் இடத்து ராகு என்பதால் தந்தையுடன் நல்ல உறவை கடைபிடிப்பது அவசியம் நீண்ட தூர பயணங்கள் ஏற்கனவே செய்து கொண்டிருந்தவர்களுக்கு இனி அதில் தடையாகும் நீண்ட தூர பயணத்துக்காக தடையாகி கொண்டு இருந்தவர்களுக்கு இனி வெளிநாடு வெளிமாநிலம் செல்வதில் தடை இருக்காது.
சிம்ம ராசிக்கு நான்கில் கேது வருகிறார் சுகம்,தாய்,வீடு இதெல்லாம் பாதிக்கும்னு சொல்லிட்டீங்க ராகுவை சொல்லாம விட்டுட்டீங்க என்றார் ஒரு நண்பர் உண்மைதான்.சிம்மம் ராசிக்கு நான்கில் கேது பெரிய கெடுதல் இல்லை...
சிம்மத்துக்கு பத்தில் ராகு ராஜயோகம்.10ல் ராகு தொழில் வளர்ச்சி அடையும்.பத்தில் பாம்பு வந்தால் பணம் பறந்து வரும் என்பார்கள்..வெளிநாட்டு தொடர்புகள் உள்ளவர்களுக்கு நல்ல அதிர்ஷ்டம் உண்டு.தூரமாக தொழில் தொடர்பு உள்ளவர்கள் வெளியூர் ஆர்டர் பெறுபவர்கள் நல்ல ஆதாயம் அடைவார்கள் .10ல் ராகு பல தொழில் பல வழிகளில் வருமானத்தை கொடுக்க கூடியதாகும்.
மீனம் ராசியினருக்கு ராகு மூன்றாம் இடத்துக்கு வருவது யோகமானது மறைந்த ராகு நிறைந்த பலன்களை தருவார் தைரியம் துணிச்சல் தரும் அதிர்ஷ்டமான ராகு பெயர்ச்சி என்று சொல்லலாம் ..

Saturday, 27 June 2020

திருமணம் செய்தால் மனைவி இறந்துவிடுவார் என்று கூறுகிறார்கள். இது எந்த அளவுக்கு உண்மை?

நான் ஒருவரை காதலித்து வீட்டில் கூறி சம்மதம் வாங்கியப் பிறகு அவர் ஜாதகத்தில் எட்டாம் இடம் வலுவிழந்து உள்ளது திருமணம் செய்தால் மனைவி இறந்துவிடுவார் என்று கூறுகிறார்கள். இது எந்த அளவுக்கு உண்மை? இதற்கு பரிகாரம் ஏதேனும் உண்டா?
அத்தை மகள் மாமன் மகளை திருமணம் செய்தாலும் சரி காதலித்தாலும் சரி.திருமணத்துக்கு நாள் குறிக்க ஜோசியரிடம் போகலாம் ஆனால் பொருத்தம் பார்க்க போக தேவையில்லை.காதலிப்பவர்களை பிரிக்கனுமா…அப்போ ஜோசியரிடம் போகலாம் ஏனெனில் இன்றைய புத்திசாலி பெற்றோர் காதலை பிரிக்க இந்த வழியை அதிகம் பயன்படுத்துகின்றனர்.
இந்த பொண்ணை கட்டுனா மாமியார் செத்துடும்.மாமனார் செத்துடுவார்.கணவனுக்கு அற்பாயுள் என சொல்லிவிட்டால் முடிந்தது காதல்.யார்தான் ஏற்றுக்கொள்ள முடியும்.அந்த பொன்ணை கட்டுனா நான் செத்துருவேன்னு ஜோசியர் சொல்கிறார் தம்பி நான் செத்தா பரவாயில்லையா என அம்மா கேட்டால் பையன் என்ன சொல்வான்…
மாங்கல்ய பலம் இல்லை என சொல்லிவிட்டால் என்ன செய்ய முடியும்.ஜோசியம் ஒன்றுதான் ஆனா ஜோதிடர்கள் பல வகை.நான் பொருத்தம் இருக்குன்னு கணிச்சு கொடுத்தா இன்னொருத்தர் இல்லைன்னு சொல்றார் விதி ஒன்றுதான் ஆனா வாக்குவாதம்.
காதலிச்சா ஆராய்ச்சி செய்யாதீங்க..கல்யாண,ம் செய்து சந்தோசமாக இருங்க எல்லோரையும் திருப்தி செய்து கல்யாணம் செய்வது கடினம்.
ஏனெனில் காதலிக்குரவங்க செவ்வாய் தோசம் நாகதோசம் பார்த்து காதலிக்குறதில்ல.யோகமான திசை நடக்குதா அற்பாயுளான்னு பார்த்து ரொமான்ஸ் செய்வதில்லை.இவனை கட்டுனா நல்லாருப்போம்னு உறுதியா மனசுக்கு திருப்தி ஆகிடுச்சு.ஜோசியர் முடியாதுன்னு சொன்னாலும் கல்யாணம் செய்யத்தான் போறீங்க..அப்புறம் எதுக்கு ஜாதக பொருத்தம் பார்த்து குழப்பிக்கிறீங்க.பொருத்தம் பார்க்கும் போது நீங்க நூறு ஜாதகம் கொடுத்தாலே நாலு ஜாதகம் தான் பொருத்தம் வரும்.இதுல ஒரு ஜாதகம் கொடுத்து பொருத்தம் பார்க்க சொன்னா பொருத்தம் வருவது நூத்துக்கு 90 சதவீதம் கடினம்.
எட்டாம் இடம் என்பது கணவனுக்கு வருமான ஸ்தானம். பெண்ணுக்கு கர்ப்பபை ஸ்தானம் மாமியார்க்கு லாப ஸ்தானம்.மாமனாருக்கு தொழில் ஸ்தானம் என அதில் நிறைய சூட்சுமங்கள் இருக்கு…அதனால் பெண்ணுக்கு 8 வலு இல்லைன்னா அந்த குடும்பத்தில் பலருக்கும் பாதிக்கும்.இது அந்த காலத்தில் கூட்டு குடும்பத்தில் இருக்கும் போது நுணுக்கமா பார்ப்ப்பாங்க இது தனிக்குடித்தன காலம்.அதனால் அதை பற்றி குழப்பிக்க வேண்டாம்.
சரி.8ல் பாவ கிரகங்கள் இருந்தாலும் எட்டம் அதிபதி கேந்திரம் திரிகோணம் ஏறியிருந்தால் பாதிக்காது 6,8,12ல் இல்லாமல் இருந்தால் பாதிக்காது.
எட்டாம் இடத்தை குரு,சுக்கிரன்,புதன்,வளர்பிறை சந்திரன் பார்த்தால் பாதிக்காது.
அப்படியே எட்டில் பாவர் இருந்து எட்டாம் அதிபதி கெட்டாலும் எட்டுக்குடையன் திசை வ்ந்தால்தான் மொத்தமாக அழிக்கும்.
இது பெண் ஜாதகத்துக்கு ..ஆண் ஜாதகத்துக்கு பார்க்கும்போது எட்டாம் இடம் என்பது ஆணின் ஆயுள் ஸ்தானத்தையும் மனைவியின் வருமானத்தையும் குறிக்கும்.எட்டாம் இடம் கெட்டாலும் லக்னம் நன்றாக இருந்தாலும் எட்டுக்குடையவன் திசை வராமல் இருந்தாலும் ஆயுளை கெடுக்காது.மாரகாதிபதி பாதகாதிபதி திசை வந்தாலும் அவர்கள் வலுவை பொறுத்துதான் முடிவு செய்யனும்.
மனைவி ஜாதகம் வலு குறைவாக இருந்தால்தான் மோசமான திசை நடந்தால்தான் மனைவி இறக்க வாய்ப்புண்டு.அதையும் மனைவி ஜாதகம் பார்க்காமல் சொல்வது தவறு,

Saturday, 25 April 2020

அழகு,நல்ல குணமுள்ள கணவன் மனைவி அமையும் யோகம் யாருக்கு..? ஜோதிடம்


நல்ல மனைவி /கணவன் அமைய அவரது ஜாதகத்தில் இரண்டமிட அதிபதியும்,
ஏழாமிட அதிபதியும் கேந்திரம்(1,4,7,10)  மற்றும் கோணமேறி(1,5,9) ஆட்சி,உச்சம் பெற்று பாவிகள் பார்வையற்று சுப நட்சத்திரசாரம் பெற வேண்டும்.


( இதில் சில விதிவிலக்கு: மீனம்,மிதுனம்,கன்னி மற்றும் தனுசு ராசிகளான உபயராசிகளில் ஏழாம் அதிபதி  ஆட்சி,உச்சம் பெறாமல் வேறு மாதிரியான சூட்சும வலு பெறுதல் சுகம்.ஏனெனில் இந்ராசிகாரர்களுக்கு பாதகாதிபதியாகவும், அதேநேரத்தில்
கேந்திராதிபத்திய தோஷமும் பெற்றுவிடுகிறது.

உதாரணமாக
மீன ராசிக்கு ஏழாமிடத்தில் புதன்
ஆட்சி உச்சம் பெற்றாலும் திருமணவாழ்வில் சில பாதிப்பு இருக்கவே செய்கிறது)

அதேபோல் இரண்டாமிடத்திலும்,ஏழாமிடத்திலும் மற்றும் சுக்கிரனுடனும் பாவிகள் இணைவு,சேர்க்கை அற்று இருக்க வேண்டும்.
பெண்ணாக இருப்பின் செவ்வாயும்
பாவிகள் சேர்க்கை அற்றும் இருக்க
வேண்டும்.

                      அழகுடைய மனைவி  அமைய:


ஓருவர்  எவ்வளவுதான் அழகற்றவராகவும் இருந்தாலும்
தனக்கு வரும் மனைவி /கணவன் மட்டும் அழகுடையவராக இருக்க வேண்டும் என நினைப்பார்கள்.

அழகற்றவர்களுக்கு அழகான மனைவி அமைவதும்,அழகானவர்களுக்கு அழகற்ற மனைவி அமைவதும் ஜாதகத்தில்
உள்ளபடியே நடக்கிறது.

ஒருவரின் முகதோற்றம், அழகு,நிறம்  இவற்றை நிர்ணயிப்பது
லக்கனம்,ராசி மற்றும் இரண்டாம்
பாவம்  அதில்  இருக்கும் கிரகம்,
அதன் அதிபதி  அந்த இடத்தை பார்க்கும்  கிரகம்.

8-ம் பாவத்தில் ஆட்சி,உச்சம் பெற்ற

கிரகம் ,8-ம்  அதிபதி ஆட்சி,உச்சம்
பெற்றாலும்,எட்டாமிடத்தை ஆட்சி,உச்சம் பெற்ற கிரகம் பார்த்தாலும்
அழகான மனைவி அமைவாள்.

ஏழாம் வீடு சுப கிரகத்தின் வீடாகவும்,
1,4,7,10,5,9  வீடுகளில் சுப கிரகமாகிய சுக்கிரன்,புதன்,குரு,வளர்பிறை சந்திரன்  அமர்ந்து காணப்பட்டால் அழகுடைய மனைவி
அமைவாள்.
  
                     




அழகற்ற மனைவி அமையக்காரணம்;

*******************

சுக்கிரனுடன் பாவ கிரகம் சேர்ந்தாலும்,அவை நிற்கும் ராசிக்கு
ஏழாமிடத்தில் பாவிகள் நின்றாலும்
அழகற்ற மனைவி அமைவாள்.

அயல்நாட்டு பிரஜையை திருமணம்
செய்யும் யோகம்
+++++++++++++++++++++++++++++

  மூன்றாம் அதிபதி லக்கனத்திற்கு
6 அல்லது 8 அல்லது அதன் அதிபதிகளுடன் இணைந்தாலும்,6,8-ம் பாவங்களை பார்த்தாலும்
அயல்நாட்டு பிரஜையை திருமணம்
செய்துகொள்ளும் யோகமாகும்.
          
                       

திருமணத்திற்கு பிறகு அயல்நாடு

செல்லும் யோகம்:

************************"*"**""*
 
திருமணத்திற்கு பிறகு வெளிநாடு செல்லும் யோகம் ஏற்பட காரணம்
2-ம் அதிபதி  11- மிடத்திலும்,
11 ம் அதிபதி 2-ல் இருந்தாலும்,8-ம் அதிபதி 2-ல் இருந்தாலும் ,பார்த்தாலும்
எட்டாம்  அதிபதி  ஏழில் இருந்தாலும்,பார்த்தாலும்  ஏற்படுகிறது.

                  

ஊனமுற்ற மனைவி வாழ்க்கை துணையாக காரணம்

+++++++++++++++++++++++++++
   ஓரு பெண்  அல்லது ஆண் ஜாதகத்தில் 5,7,9  ம் வீடுகளில் சூரியன்,சுக்கிரன் அமர்ந்து காணப்பட்டாலும் அல்லது சுக்கிரன்,செவ்வாய் அமர்ந்து காணப்பட்டாலும் வாழ்க்கை துணை ஊனமாக அமைய வாய்ப்பு அமைகிறது.


செல்வந்தர் வீட்டுப்பெண் அல்லது ஏழை வீட்டுப்பெண் மருமகளாக வரக்காரணம்:

ஏழாம் வீட்டு அதிபதி  மிகவும் பலம் பெற்று காணப்பட்டால் தன்னிலும்
அதிக செல்வாக்கு பணமுடைய பெண் மனைவியாக அமைவாள்.
அதேநேரத்தில் ஏழாம் வீட்டு அதிபதி
பலம் குறைந்து காணப்பட்டால்
தனக்கு அமையும் மனைவியானவள்
தன்னை விட கீழ் நிலையில் உள்ளவளாகவும்,அதேநேரத்தில் ஏழையாகவும் இருப்பாள்.

                விதவையை திருமணம் செய்யும் யோகம்

ஏழில் செவ்வாய்,சுக்கிரன் அமர்ந்து
காணப்பட்டாலும்,ஏழாம் வீட்டு அதிபதி சனியாகி 6,8,12 ல் அமர்ந்தாலும் விதவையையோ அல்லது பிறரால் விவாகரத்து செய்யப்பட்ட பெண் மனைவியாக
அமைவாள்.

பரிவர்த்தனை யோகம் ஜோதிடம்


பரிவர்த்தனை யோகம்


ஜோதிட சாஸ்திரத்தில் பலவிதமான யோகங்கள் இருக்கின்றன. பொதுவாக, இரண்டு கிரகங்கள் ஆட்சி, உச்சம் பெற்று இருந்தாலே அந்த ஜாதகர் புகழ்பெற்று செல்வாக்குடன் விளங்குவார். குறிப்பாக, லக்னாதிபதி, பூர்வ புண்ணியஸ்தானாதிபதி, பாக்கியஸ்தானாதிபதி ஆகியோர் பலம் பெற்று உச்சநிலையில் இருந்தால், அவர்களுக்கு நல்ல நல்ல பலன்கள் நாளும் நடக்கும்.  இவை தவிர,  கஜகேசரி யோகம், நீச பங்க ராஜயோகம்,  தர்மகர்மாதி யோகம், பரிவர்த்தனை யோகம் என்று பலவிதமான யோகங்கள் சொல்லப்படுகின்றன. 'பரிவர்த்தனை யோகம்' பற்றி இப்போது பார்ப்போம்.


பரிவர்த்தனை யோகம் என்றால்,  இரண்டு கிரகங்கள் பரஸ்பரம் இடம் மாறி இருப்பதாகும். இரண்டு கிரகங்கள் ராசி மாறி அமர்ந்திருந்தால், அது பரிவர்த்தனை யோகமாகும். உதாரணமாக, மேஷத்துக்குரிய கிரகமான செவ்வாய்  மகரத்திலும்,  மகரத்துக்குரிய கிரகமான சனி மேஷத்திலும் இருந்தால் பரிவர்த்தனை.



இப்படி கிரகங்கள்  மாறி அமையும்போதுஅவற்றின் சக்தியும் வலிமையும்  கூடும். அப்படி மாறி அமைந்த கிரகங்கள் ஜாதகரின் வாழ்க்கையில் பெரும் மாற்றங்களை நிகழ்த்தும் வலிமை வாய்ந்தவை. சுபகிரகங்கள் பரிவர்த்தனைப் பெற்று இருந்தால் சுபயோகத்தையும், அசுப கிரகங்கள் பரிவர்த்தனை பெறுவதால் அசுப பலன்களையும் தரும்.

பரிவர்த்தனை  யோகம் மூன்று வகைப்படும்.
1) சுப பரிவர்த்தனை யோகம்:  1, 2, 4, 5, 7, 9, 10, 11 ஆகிய இடங்களுக்கு உரிய அதிபதிகளில் எவரேனும் இருவர் இடம் மாறி இருந்தால்ஜாதகருக்கு சொந்த வீடு, நிலபுலன்கள் அமையப்பெற்று செல்வாக்கோடு திகழ்வார்.

2) தைன்ய பரிவர்த்தனை: தைன்ய பரிவர்த்தனை என்பது ஜாதகக் கட்டத்தில் மறைவு பிரதேசங்களான 6, 8, 12-ம் இடங்களுக்குரிய ஆட்சி கிரகங்கள் பரிவர்த்தனை பெற்றால், கிரகம் பாதிப்புக்குள்ளாகி ஜாதகருக்கு அசுப பலன்களை ஏற்படுத்தும்

 3) கஹல பரிவர்த்தனை: கஹல பரிவர்த்தனை என்பது மூன்றாம் இடத்துக்குடைய கிரகம் 1, 2, 4, 5, 7, 9, 10, 11-ம் இடத்தில் இருந்து, அந்த இடங்களுக்கு உரிய கிரகம் 3-ம் இடத்தில் இருந்தால், அது சுப பலனாக அமையும். உப ஜெயஸ்தானமான 3-ம் இடத்தின் தைரியம், சம்பந்தப்பட்ட அந்தக் கிரகத்துக்குக் கிடைக்கும். இதனால், ஜாதகர் பல வெற்றிகளை அடைவார்.

பரிவர்த்தனை பெற்ற கிரகங்கள், ஒன்றை ஒன்று பார்க்கும்போது சுபகிரகங்களான  குரு, சுக்கிரன், வளர் பிறை சந்திரன், புதன் ஆகிய கிரகங்கள் சுப பலனைத் தரும். அசுப கிரகங்களான சூரியன், செவ்வாய்
சனி, ராகு, கேது, தேய்பிறை சந்திரன் ஆகியோர் ஒன்றை ஒன்று பார்க்கும்போது அசுப பலன்களையே தருவார்கள். குறிப்பாக செவ்வாய்,  சனி  ஒன்றையொன்று பார்ப்பது, சூரியன், சனி ஒன்றையொன்று பார்ப்பது ஆகிய தீய கிரகங்கள் பார்க்கும்போது அளவு கடந்த கோபமும் ஆத்திரமும் மிகுந்து மனம் தவறான வழிகளில் செல்லும்.



சில வித்தியாசமான பரிவர்த்தனைகளைப் பார்ப்போம்.

 2-ம் இடத்தின் அதிபதியும் 11-ம் இடத்தின் அதிபதியும் பரிவர்த்தனை பெற்றால், ஜாதகருக்கு பல வழிகளிலும் பணம். வரும் பணத்தை என்ன செய்வதென்று தெரியாமல் செலவழிப்பார்.

6 - ம் இடத்தின் அதிபதியும் 11-ம் இடத்தின் அதிபதியும் பரிவர்த்தனை பெற்றிருந்தால், ஜாதகர் தனது செல்வத்தையெல்லாம் இழக்கவேண்டிய நிலை வரும்.

2-ம் இடத்தின் அதிபதியும் 9-ம் இடத்தின் அதிபதியும் பரிவர்த்தனை பெற்றிருந்தால், ஜாதகரை அதிர்ஷ்டம் தேடி வரும். சகல சௌபாக்கியங்களையும் அனுபவிப்பார். மிகுந்த புத்திசாலியாக இருப்பார். இவருக்கு நிறைய பேர் அபிமானிகளாக இருப்பார்கள்.

லக்னாதிபதியும்  5 -ம் இடத்துக்கு உடையவனும் பரிவர்த்தனை பெற்றால், ஜாதகருக்குப் பெயரும் புகழும் நிலைத்திருக்கும்.

லக்னாதிபதியும் 10 -ம் இடத்துக்கு உடையவனும் பரிவர்த்தனை பெற்றால்அரசியலில் புகழ் பெற்றுத் திகழ்வார்